قصيده تذرف لها الدموع..!

كل عام وأنتم بخير وأنشالله ينعاد علينا هذا الشهر الفضيل بكل خير ,ومقدمآ عيدكم مباركم يا رواد منتدى الجبلان......!!

هذي قصيده لشاب كان متهور وطائش ,وفي يوم من الايام كانت والدته معه وهو يقود السياره ويقود بتهور وقدر الله وصار لهم حادث وتوفت الوالده ونجى الشاب من غير أن يمسه ضرر أو سوء فكتب هذي القصيده.......!!



يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

منقوله

الموضوع الأصلي: قصيده تذرف لها الدموع..! || الكاتب: الخيال || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

يـالله تكـفى طـلبـتـك تـغفــر ذنــوبي ---- النفس ذاقت خطاها وجتك مرعوبه