قصائد تعبر عن مايجول في صدري ...

لايمي يوم أشكي الدنيا بجاه الله ونوفه .....

لاتجادلني بما لاتعلمه واللوم كبّه .....

اعرف أنّي لاشكيت أشوف شيً ماتشوفه .....

ياللي أيامك سنافيه , وأمورك مستتبه ....

الدهر معطيك وجهه ماتعزّر بك صروفه ......

ولا أنا لامدحته يوم , عشر أيام أسبّه ...

****************************

الزمان يدور والليل يطويه النهار

وكل قاسي لازم تجيه لحظات ويلين

كل شي له أمد ..لويطول الأنتظار

والقلوب أقلوب ..الأن البشر متقلبين

بس أنا باقي على العهد لوصار إللي صار

مسندك لامال حظك وضدتك السنين

عادني حادي ركابي على نفس المسار

حالفٍ ما احيد عنه لايسار ولايمين

ماشين فيه بقناعه ورغبه وأختيار

مامشيته لجل ما حوز مدح المادحين

أنظر عيوبي بعين الأسف والأنكسار

واحسب أذنوبي لانامت عيون الغافلين


وكلما أزدتت أرتفاعاً عن احقاد الصغار

كلما أزدتت أنحنائاً لرب العالمين

أستمع همسات الأعجاب تملا كل دار

وأكتشف نظرات الأجلال تغشى كل عين

ولاحلمت فكري كفوف الرضا والأنبهار

أخشع وأقول : يالله عونك يامعين

فأن بهرني سٌبك (شوقي) وعفوية( نزار)

أفتح القرأن ولاّ رياض الصالحين

***********************************


ياامكثر عيونٍ عليك يتباكن ....

وياامكثر أقلوبن تحبك وتغليك

الحزن في مهجة ضحااياك ماكن ....

شف رعشة أشفاههم ليا مر طاريك

’’فــاذا ركنوا للياس... مانيب براكن ’’....

’’ وأن كانهم خلوك.. ماني مخليك’’

لــون الحياة بدون رؤياك داكــــــن ....

فلا تصدقني أذا قلت :مابيك

يــامحركٍ في داخلي كل ساكن ....

منت الوحيد بحسنك أللي يغطيك !!

بكل الأزمان,, وبكل الأماكن...

بتشوف كمية من الحسن ترضيك

الحسن واجد في الخلايق .. ولــكــن ..!!

شتّتـه ربي فيهم .. وجــــمـــعــه فــــيــك

***********************

أخوكم ... جالي اللوايم

الموضوع الأصلي: قصائد تعبر عن مايجول في صدري ... || الكاتب: جالي اللوايم || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::