"الله من قلب(ن) من الضيق مشحون" ... للمرحوم معدي الزعبوط

السلام عليكم


قصيده لـ جدي معدي رحمه الله


وهو من ورث الشعر الجميل


من ابوه عوض ومن بعد راجح ومن بعد وهق الى التاسع عشر على ماقيل

وجميعهم كانوا من شعراء مطير اللذين اصبحوا لسانها عند التحدث وشرفوها في مواقف كثيره


لا اريد الاطاله

واضع بين ايديكم قصيده للمرحوم .. معدي رحمة الله عليه









الله من قلب من الضيق مشحون ** مثل الصميل الى انشحن وانتثر ماه

ايضا وعيني دمعها غرق النون ** عزي لمن صار البكا راس جدواه

بكيت مثل اللي مجلا ومديون ** باع الحلال وباقي الدين ما وفاه

ذكرت دوشانن على العلم يمضون ** حماية الصمان من كل مجهاه

وأذكر مطير اللي لهم فن وفنون ** سكن الخلا لوهو مخافه ومضماه

اللي ليا قالوا جواب(ن) يتمون ** قولن وكيد وكل الامات تدراه

واصل مخليت الحرابه يجضون ** شجعان وظفورن على الخيل ورماه

لوحيتهم وسط المجالس يقولون ** هذا اغاره ثم هذا هجدناه

وهذا صباح(ن) يوم الامه يصلون ** يومن وكلن باحسن الحمد يقراه

واذكر حصان(ن) حد وهمه يشوفون ** والكل منهم ذل من مثل ماجاه

حاز الحريب الي كبا كل ممهون ** يقدى جموع وتورد السوء يمناه

شيخن على صفق الاجانيب مفتون ** يا بعد صفقاته للاجانيب بعداه

لا شاف لمات العرب قلت مجنون ** يصفق هذولا ثم لد لهذولاه

من جيلنا التالي الى جيل هارون ** والله ماشيخن يسوي سواياه

ومطير عقبه هقوتي مايعيشون ** من بان راس الذل من قطع علباه

ياليتهم عقبه بـ نقره يموتون ** الموت اخير من الحياة المهباه







تمت

الموضوع الأصلي: "الله من قلب(ن) من الضيق مشحون" ... للمرحوم معدي الزعبوط || الكاتب: جاسم الديحاني || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::