هيضني الغربي مع هبة الصوت = واذهبت نسناس الغلا في كلامك
صار الهوى بحة مع صوتك يفوت = لفوادي اللي محتفظ في مقامك
ذكرني الغربي بخنجر وتابوت = وحلومي اللي زارتك في منامك
والورده الحمراوخاتم وتابوت = واول تباريح السهر في هيامك
يوم انتبه سمعي على
نغمة الموت = في ضحكتك ,في همستك,في سلامك
اسمع حروفك سيرت داخلي بوت = يبحر مع دمي,ويتبع نظامك
واقلب ضلوعي على صفحه النوت = ابا اعزف الحانك,ولا القى مقامك
ضلع عزف(دو) (ري) وسمعتها دوت = واخر عزف(مي) (فا)لجلك وضامك
الله عليك ابداع ياسحر هاروت = من لهفة اشواقك,لحد انتقامك
عطرك وسحرك,والبلا بحة الصوت = (جمرك) و(توتك) مشيتك,وانسجامك
الا على فكرة؟؟على طاري التوت = باقي الشفايف تنجرح من صيامك؟
باقي جمالك والحلا باني بيوت = في دولتك ماتحتملها عظامك؟
وباقي تطيح لهيبتك عقل وبشوت؟ = وباقي المرايه تنحني لاحترامك؟
ادري على خبري ولازلتي القوت = لضلوعي اللي جوعها من سهامك
اموت بك,واحيا معك,وارجع اموت = في غيبتك,واحيا بعد بابتسامتك
باقي على عهدي,ولوفاتني الفوت = ومعاهدك بالله,لاخلد غرامك
وانتفسك معنى ,واغازلك ببيوت = دام اكسجيني زفرتك في نسامك
ودام الهوى صاير,مع بحتك صوت = والله لاتنفس غلا,من كلامك
ودام الحكاية,كلها موت في موت = لارحمني ربي,لوارخص مقامك