" آه يالحب وسنينه " !

ايه احبك !


ايه احبك .. وانت تدري خاطري ويش احتوا ..

.. .. .. .. .. .. كلمة ٍ " مده " احاول بوحها لكن سجينه !!


ايه احبك .. قلتها لو كان قلبي ما قوا ..

.. .. .. .. .. .. ينطق الكلمه " احبك " مايبي تجرح حنينه !!


يا حبيبي !! والقصايد جوها دوب استوا ..

.. .. .. .. .. .. ودي اسافر معك ما بين " اجواء " المدينه !!


فوق متن السحب نرحل بين لفحات الهوا ..

.. .. .. .. .. .. او على بحر " الغرام " تشيلنا ظهر السفينه !!


انت جرحي وانت ضيقي وانت طبي والدوا ..

.. .. .. .. .. .. وانت همسات السكون بخاطري وانته ونينه !!


صاحبك


شاعر


مع اهل الشعر


لا صاح وعوا


صاحبك شاعر مع اهل الشعر لا صاح وعوا ..

.. .. .. .. .. .. تنحني لجله قصايد . . " اندهاشات " وغبينه !!


كل من يسمع حروفه !! حب شعره وارتوا ..

.. .. .. .. .. .. لأن قافه فيك !! يا ورد " القصيد " وياسمينه !!


ما يحب الا حبيبه !! وان تركته ما هوا ..

.. .. .. .. .. .. غير هم الوقت , والاحزان , و جروح ٍ دفينه !!


انطوائي وان حظنته لف حولك وانطوا ..

.. .. .. .. .. .. وقال احبك !! وانت تسمع بحة الصوت الحزينه !!


وان تحسس بن غيابك حن للبعد ونوا ..

.. .. .. .. .. .. راح لجروحه يردد " آآآآآه " يالحب وسنينه !!

الموضوع الأصلي: " آه يالحب وسنينه " ! || الكاتب: " فهد الجبلي " || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

..