ودّع وودّعبـي بتوُديعـه اجـروح=ليته قبل مـاراح روحـي خذاهـا
مثل ا لأمانه حطها بوّسط الـروح=أون منهـا والضميـر احتـواهـا
يازين مافي هجر شاريك مصلـوح=وشلك بنفسـن بيّـح الله خفاهـا
اجاوب السرحان والورق بالنـوح=لا ناموا السالين صوتـي صداهـا
لذيذ مطعومي من الـزاد ذرنـوح=حالـي تبيّـن للمشاهـد عنـاهـا
سقم الهوا مفضوح راعيه مفضوح=شف حالتي يازين عقبـك قصاهـا
احلام في لاماك وابراج واصـروح=هدّيت فيها عشـق شامـخ بناهـا
لو جيتلي ناسن على شوفي اشفوح=متى على الله بس افـارق وطاهـا
ماني بحول اوناس وافراح ومزوح=النفس جاها مـع وداعـك غثاهـا
دالوب فكري والمشاعر لك اسروح=حتّى عيالي عفت ضحكـن معاهـا

الموضوع الأصلي: حتّى عيالي عفت ضحكـن معاهـا // منصور ابو طفره || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::