محمد خلف الخس .. [ البستان ]

السلام عليكم ورحمة الله وبركاته

هذي قصيدة شاعر مطير الكبير محمد خلف الخس .. وهي مجارات قصيدة الشاعر الامير محمد احمد السديري التي نقلة على الهواء مباشره في الحلقه الاخيره لمسابقة شاعر العرب .. علما بأني بحثت عنها ولم اجدها هنا وحبيت اني اضعها بين ايديكم .. واليكم مجاراة شاعرنا الكبير ابو خلف .. البستان .. لقصيدة الامير الراحل وكانت مطلوبه من جميع الشعار المشاركين مجاراتها واللي كان يقول مطلعها

الله من هم(ن) بروحي سهجها / بخافي ضميري في كنين الحشا لاج

======

	ياللي تبا علومي تبا تدرجها ... أبشر بها والقاف ماهوب منعاج قصيدتي لاجبتها ماعلجها ... تفتح لها أبواب مهو فتح مزلاج أعرف مدخلها وأعرف مخرجها ... وأبني قواعدها مثل بني الأبراج يصوغها فكري وأسدد فرجها ... وأجيبها والعين ماغطت بهملاج والناس بحججها تكثر لججها ... واللي معه حجه وله حق فلاج وإن جتني الشعار في معتلجها ... أتبع رضا الشعار ماأزعجهم إزعاج أعرف طيبها وأميز همجها ... وأمشي مع الطيب لو الدرب رتاج وإن جابت الشعار غالي إنتجها ... يجيك منتوجي من خيار الأنتاج وعندي شهادة شعر محد(ن) فلجها ... من حاكم صلف كما البحر لاهاج مانالها أية شاعر وأبتهجها ... من دارنا هذي ليا ساحل العاج جتني ومن عبدالعزيز مخرجها ... سماني (البستان) والإسم لي تاج هي مفخره يسبق فرجها حرجها ... أعتز فيها وأفتخر قدم من داج والناس ماتقدر تعدل عوجها ... حتى لو إنك فارس(ن) مثل مدباج اللي ليا شاف السرايا دبجها ... خلا السرب تقفي وفي وسطها مراج لو إن شلف القوم تلمع زرجها ... ماتوقفه لو هي كبر هظبة سواج كم سابق(ن) عند التوالي زعجها ... طاحت وراعيها يروغ وهو هاج النفس عند الجاذيات يحنجها ... من الخطر ماإهتز قلبه ولا ماج هذي علوم أجدادنا مخترجها ... مافيه شي إلا وللشي مدراج وإن كان دنيا الوقت بان معسجها ... لاتشكي أحوالك على كل هلباج تراه لو كلمتك عدله طعجها ... أذاعها المنزوع مع كل الأبواج ربيع قلبه لانشرها وبعجها ... خلا هل النمه بها تاخذ أرواج خله وخل دروبه اللي نهجها ... وإزبن على اللي دايم يخرج إخراج عنز على ناس(ن) رفيع إدرجها ... إزبن مثل سلمان للصدر بهاج كم كبد محتاج(ن) عطاه وبهجها ... خلاه عقب الفقر يضحك له حجاج وأغنى فقار(ن) في عطاه ودمجها ... من حسبة التجار في كل منهاج يمناه تنفد ماتحسب خرجها ... ماظنتي مثله على الأرض دواج الله ولي الناس قاضي إحوجها ... خلاقها رزاقها مغني الداج كم كربة كبرت وربي فرجها ... سوالها رب السموات مخراج اللي خلق سبع البحور ومرجها ... ماني بعن ذكره بغافل ولا ساج والأمه اللي غافله ماحدجها ... بالظلم والبهتان ماأحرجهم إحراج ماأتابع عيوب العرب وأدرجها ... مالي ومال أعراض صايم وحجاج أخاف من نار(ن) تسارج نججها ... لاجا الحساب وسيقت العالم أفواج والرجل سجها لو توطا رتجها ... سج القدم لوهو ورا حدود الأفلاج لو الديار وساع دجها وبجها ... إقطع فيافيها بممشى ودفلاج ليا ذكرلك دار مرباع(ن) إجها ... شفها بعينك عس فاج(ن) ورا فاج أما رحلت وجيت فاحلا إهبجها ... وإلا إمش عنها مع وسيعات الأفجاج شف أرض ماجاها مربي إنعجها ... لطيورها مع طلعة الفجر لجلاج العشب شامخ والسحاب يهدجها ... فيها مشاريف وصحاحيح وهباج لاذعذع الغربي هواه ودهجها ... فاحت بريح زهور والصبح مانباج الأرض لاجا السيل فيها طهجها ... نبتت وجا لفياضها الصبح نجناج تزخرفت وأم الحوير لهجها ... مستانس(ن) من ريحة العشب لافاج صارت مثل بنت(ن) يونس غنجها ... منطوقها لأهل الهوى طب وعلاج من شافها لو ماتبيه وتلجها ... يركع لها طير الخضيرا اليا راج ليا بانت الغره تكاشف إسرجها ... مثل البروق بمزنة تلعج العاج بانت ثمان(ن) ماتمارا إفلجها ... مثل البرد من شافهن يخلج إخلاج هلل وكبر وإذكر اللي نسجها ... رب(ن) مصورها ماهي صورة العاج كن القمر من ضوح نوره بلجها ... مع زينها الفاخر تغنج تغناج تمت وصلوا عد ماأمطر ودجها ... على النبي والقاف أعدله لو إنعاج أنقا البيوت العاصيه وأزترجها ... وأسوقها سوق النضا يابن فراج ماأحوسها وأدوسها وعفجها ... أصرف ذهب صافي والأقدام دراج وإختامها مسك(ن) وعنبر دلجها ... وورد(ن) من الطايف مصفيه حواج

الموضوع الأصلي: محمد خلف الخس .. [ البستان ] || الكاتب: سعود بن لامي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::