ركز معي بالهرج وأفتح أذانيك،،
خل التغلي خل عنك القطاعه
عيبٍ عليك تبيع من كان شاريك،،
كنك تبيع وتشتيري في بضاعه
الصد والهجران وإلا تغليك،،
ماتنفعك لاصار عندي مناعه
وش جاك مني غير شبيك لبيك،،
تامر أمر وأقول سمعن وطاعه
يعني لأني صرت مقدر أخليك،،
وإلا لأن الوقت هذي طباعه
اللي تحبه صار مايلتفت فيك،،
واللي تبي فرقاه ماغاب ساعه
تالي عتابي بالشعر بيت يعنيك،،
أو بالأصح أقول عندي قناعه
ياصاحبي لاصار صاحبك يغليك،،
غلطان لو فكرت تلوي ذراعه
...
|