الجادل اللي يسوق القلـب طاريهـا=وتسوقني مثل ماتسـاق البعارينـي
وانا نظر عينها وان طحت بإيديهـا=وهي ما بين الظلوع وفـي شراينـي
وليتها الحكـم فينـي قـل واليهـا=وايضا كسرت القواعـد والقوانينـي
يرعد ويبرق قصيدي فـوق واديهـا=حتى اصبحت بين غدران وبساتينـي
حتى القصيده بصوتي قمت اغنيهـا=ولو ان صوتي ماهو مثل المغنينـي
حاديني البعد واهي الخوف حاديهـا=وصابر وانا جمرة الأشواق تكوينـي
في حبها قد عطيت القـوس باريهـا=وسلمتها الجرح واهي اخطر سكاكيني
ومادام طعناتها فـي قلـب غاليهـا=محدن بناشـد وراهـا لـو تذكينـي
الورده اللي روت من فيض ساقيهـا=وتصـدرت بالقصيـد أول دواوينـي
ماهو بكيفي ليا من جيـت ساريهـا=الوصل والشوق والذكـرى تعنينـي
يصيبها الحظ نوب ونـوب يخطيهـا=وانا مجرد حنيـن الشـوق يكفينـي
يسعدلـي ايامهـا ويسعـد لياليهـا=لو ان دربي يسـار ودربهـا يمينـي
الله هو اللـي ليـا مالـت يسويهـا=والله يزيـن امـور العبـد وتزينـي

الموضوع الأصلي: [آلجادل اللي ] محمد مريبد العازمي || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::