ان قتلني عشيري بالهوىا فدوتن له!!

السلام عليكم ...

ضويحي الهرشاني صاحب إحدى أشهر القصائد بجزيرة العرب
والتي جاراها أكبر الشعراء أيضاً وهم : عبدالعزيزالعبيدي والشاعر
حمدبن ناحي البديري

أتمنى أن تستمتعوا بهذه القصائد الرائعه


قصيدة ضويحي الهرشاني..






راعي القرن الاشقر شـد قلبـي وتلـه
بيُـح السـد منـي عقـب مانـي بكـامـي
عنـز ريـمٍ تقـود الصيـد دقــه وجـلـه
عذبـت ناقـل البنـدق سريـع الولامـي
ياوجودي عليهـا وجـد مـن فاطـرٍ لـه
غرها النوم عنها في فروع المظامـي
فوقهـا قربتـه وحـذاه مـع مزهـب ٍ لـه
واختفت جرة الفاطر غطاها العسامي
خـابـر الـمـا بعـيـدٍ والـدحـل مـايـدلـه
وما حواليه من يعطيه حمض العلامي
صاحبي وان هرج لـه هرجـةٍ مانملـه
كود امل اللبن من در هـدف السنامـي
لــه زمانـيـن حـبـه ماتـعـدى مـحـلـه
كـود بـرق الصبيحيـه تعـدى سنامـي
ليتنـي شـذرة ازمـامٍ علـى مبسـمٍ لــه
فوق بيض تلاعج مثل برق الظلامـي
ليتـنـي ربـطـة ازرارٍ عـلـى لـبـةٍ لــه
فوق فرع النهود وحدر طرق اللثامي
كن في عينـه اليمنـى عساكـر وسلـه
عسكر الروم حمران الوجيه الطغامي
ان قتلني عشيري بالهـوى فـدوةٍ لـه
ذبح خلي حلال وذبـح غيـره حرامـي



ثم جاراه العبيدي بقصيدته اللتي يقول فيها




تل قلبي من اقصـى ظامـر الـروح تلـه
نشت الحال من عقبه طواها الهيامـي
قلبي اللـي تذكـر بالهـوى صاحـبٍ لـه
بـو قـرونٍ ذوايبهـا تـعـدى الحـزامـي
كـن قلبـي علـى المـلا عشيـري يملـه
لاطرالي عشيـري ماهتنـي بالمنامـي
بـو عيـون هدبهـا فـوق خــده مظـلـه
مجهماتٍ يشـادن ريـش ربـد النعامـي
خـدهـا كـنـه الـبـراق فـــي مستـهـلـه
مزنةٍ من حقوق السحـب فيهـا قتامـي
عين ياللي على شـوف الحبيُـب مغلـه
ياوجودي على راع النهـود الزوامـي
ناب الارداف صاف لي وانا صافيٍ لـه
كامـل الزيـن ماوقـف بـدرب الملامـي
شبه خلي خشيـفٍ والحجـر مدهـلٍ لـه
خشف ريـمٍ رتـع بقفـور خـد وسامـي
ليت من شافني مع لابتي طارشـن ٍلـه
طارشينـن لـداره مـع ربـوع حشامـي
كيف انـا فالبحـر والتـرف نجـدٍ محلـه
حيـل بينـي وبينـه وارمسـن العلامـي
كيف اطرش لترف الروح خط وسجله
ودي بشوف زوله ولـه ارد السلامـي
شوف خلـي طماشـة صاحبـي مانملـه
كـل مـن حــب خـلـه ظنـتـي مايـلامـي
ماحلا ياعـرب عقـب البطـا مبسـمٍ لـه
مـن ثمـانٍ يشـادن قحويـان العـدامـي
شربين من ثمان الزين نشحه وأعلـه
كود ابرد ظميري عقب مانـي بظامـي
ول يالايـم المفـتـون فــي حــب خـلـه
جعل يذكر مريض طايحـن كـل عامـي
اوغريـقٍ بغبـه هـالـك عــن هــلٍ لــه
طابـعٍ محملـه بالريـح والمـوج طامـي







وأنشد حمد بن ناحي البديري بقوله




هيضتـنـي هـنـوفٍ واثــرت فــي خـلــه
عقب شفت المبيسـم طـار عنـه اللثامـي
بوجـديـل عـلـى متـنـه طـويـلـن يـهـلـه
ريحـة المسـك والريحـان دايـم دوامــي
شـــد قـلـبـي بشـنـكـارٍ حــديــدٍ وتــلــه
لـيـن قـطـع معالـيـقـه ظـبــي الـعـدامـي
يـوم تـلـه جــداي اصـيـح واقــول خـلـه
قال ابقطعـك مـن قلبـك وازيـدك هيامـي
تـلـنـي تـلـتـيـن ووحــدتــن مسـتـجـلـه
وانـشـده مايعلمـنـي بـوضـع الـكـلامـي
قلـت انـا وش عـلامـك قــال خـلـه لعـلـه
ذاك سلمي وسلـم مرودعـات الوشامـي
مـن خبـر خــل يـالاجـواد يلـعـب بخـلـه
نـاهـبٍ قـلـب خـلـه وآخـــذه بالتـمـامـي
ياحسين الشخـص حالـي علامـك تسلـه
لـيـن خليتـنـي مـاعـاد اديـــم المـقـامـي
ياعيـون اشـقـر وقــع عـلـى مـاكـرٍ لــه
مستـطـلٍ عـلـى صـيـد الـخـلا ماينـامـي
لعنبـو داعـج العينيـن مــن سـامـحٍ لــه
كيـف يلعـب بقلـبـي ماحـسـب للكمـامـي
ليتنـي فـي حشـاه لـيـا رقــد فــي محـلـه
ثـم اقلـب نهـودٍ مـثـل بـيـض الحمـامـي
ثم اوطـي غطـاه اللـي علـى الوجـه كلـه
واتـفـرج عـلـى خــد يـبـوج الـظـلامـي
واتـفـرج عـلـى خــده وهــو جـايـزٍ لــه
مستنيسـن علـى لعبـي حسيـن الكلامـي
صاحبـي عـايـزٍ فالـنـاس عـمـره ودلــه
عايز الوصف واسمه من خيار الاسامي
ياوجودي عليهـا وجـد مـن هجمتـن لـه
اقتـفـاهـا عـقـيــدٍ ظــــاريٍ بالـلـغـامـي
فوق حمـراً تكـف الخيـل حمـراً غـذاً لـه
مغتذيـهـا عـلـى يمـنـاه ولــد الحـرامـي

الموضوع الأصلي: ان قتلني عشيري بالهوىا فدوتن له!! || الكاتب: سوار الذهب || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::