[size=4]قصيدة رائعة للشاعر سعيد الحمالي تستحق ان تكون رد لكل شخص
يسيئ لشخص اخر
[/size]
الكلمـة اللـي تضايقـنـا نعديـهـا=وإن جاتنا من سفيه العقـل طنشنـا
مـادام نقـدر نمشيهـا .. نمشيهـا=من خوف نبلش مع الجاهل ويبلشنـا
لو كل عوجـا تجينـا نلتفـت فيهـا=ماكان نمشي مـع العالـم ولاعشنـا
وإنكان مالله هداهـا كيـف نهديهـا=مافيـه داعـي نناقشهـا وتناقشنـا
ناسٍ تخاشرك فـي مالـك وتعطيهـا=ولاشبعت تقول : وش بفلان مدوشنا
ومهما تحاول جميع الناس ترضيهـا=لابد من يشكر أفعالـك ومـن يشنـا
وأجرك على الله محيي الخلق ومفنيها=الأجر يبقى ويفنـا كـل مـا حشنـا
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|