ماضاقت الدنيا ولو ضاق صدري=كذا مادام الضيق اصبح تساهيل
الطيش عذرك والمقادير عذري=والفرق واضح واقطع القال والقيل
صابر عليك ولانفع فيك صبري=يعني عن اذنك مابقى فالصبر حيل
صديت والصده تعلمك قدري=البعد يكشف ويش قدر الرياجيل
ابسري لاتسئلني على وين باسري=دام السهر لديار عيني مداهيل
لاتقول سامحني ولاتقول بدري=بدري من اعمار الخبول المهابيل
الليل يغري وانت طعنتك تغري=والقاف وش يبغى سوى طعنه وليل
بجر صوتي ووانطرب دام فكري=طفشان من جيلين وراضي على جيل
وقصيدي الي كبره صغر عمري=يسوقني للمجد سوق الفناجيل
يطري علي لاضقت والا انت تطري=كل ماطرالي الدمع واخذ التفاصيل
الدمع ماهو ماء اهله ويجري=الشاعر دموعه قصيد ومواويل
بكيت لك بيتين وابيك تدري=ان الشعر منها غدى دمعه يسيل
ماعرف اوراقي على طيش حبري=الى ردات الحظ والعشق والويل
ولاضيق الدنيا وسط عين شعري=الى غدر نسل الرجال المشاكيل

الموضوع الأصلي: ماضاقت الدنيا ولو ضاق صدري || الكاتب: الـقـعـيـمـي || المصدر: منتدى الجبلان الرسمي

المصدر: ::منتدى الجبلان الرسمي::