جتني وأنا ماني على الصوت شفقان = جتني اترجى اني اسمـح خطاهـا
جتني تصيح بعالي الصوت يا فلان = ارجوك قلي نفسـي وينـه غلاهـا
يا بنت انا قلبي نسى ذيك الأحـزان = وأيام حبك اللـي راحـت جفاهـا
يا بنت أنا طبعي ترا طول الأزمان = انسى المحبه وانسى منهـو نساهـا
وأهل الوفا معهم ولو كان ما كـان = أشري المحبه وأشري منهو شراها
يا بنت انا ماني على الحب ندمـان = أيـام حبـك قلبـي ياما شكاهـا
واليوم
مالك داخل القلـب عنـوان = درب
الخيانه اسكنـي فـي ذراهـا
والحين غيرك
داخل القلب انسـان = وحروف اسمـك الثلاثـه وطاهـا
وهذي نهايـه كـل انسـان خـوان = ينسـى المحبـه والليالـي وراهـا