كنت انتظر أسمك يـروم بسماهـا
من بعد ما كنيت أحـزان وآهـات
صارت حياتـي تنتظـر منتهاهـا
ياليتني بالوقت من ضمن الامـوات
وأعيش في نارن لفانـي غطاهـا
افضل من أني عايش بجور الاوقات
واحس قلبي ينطعـن فـي شقاهـا
ماني من المطران محسوب بالذات
لا والله أني (وايلي) ومن ضناهـا
ياطرقي يابن سعود مافيك ميـلات
أنت الذي بالطيب تلبـس حلاهـا
يابو فهد تفداك روحي بالاصـوات
وأن ما جتك بالطيب بلعـن لقاهـا
زعيم ومحنك وترقـى الطويـلات
قايد وسلس وتفهـم اللـي بناهـا
شرواك قاد الطيب وللطيب قـادات
وانت الملك دامك نويـت لحشاهـا
يابو فهد ما جيت في قاف وابيـات
شفني تراني ضايقن مـن عناهـا
يوم الخبر جاني بجميع المـدارات
حسيت نار القلب تطحـن حصاهـا
بسكات جيت الكون واروح بسكات
ونقبل رضا نفسن تزايـد صداهـا
جياتك أكثـر يابعـد كـل جيـات
وكان العرب بتحس ترفع خطاهـا
فزعات ربعك كلهـا عـز فزعـات
انتم من الجبـلان وانتـم ولاهـا
بسيوف سقتو الناقصه بكل حـزات
حتي عدوكم قـام ينـزف ادماهـا
يالله طلبتك في جميـع الصلـوات
أنك تروف بحـال عبـدك معاهـا
وتشيل كل هموم صدره ليـا بـات
وتعطيه من نوم العـرب محتواهـا