... ( كلنا والله نبي )...
يانديم الجرح أدري نار بعده .. حارقه
ـــــ مثل ماهي نار بعد صويحبي فيني تحبي
ومثل مانظرة عيونك مع طيوفه غارقه
ـــــ هذا أنا مثلك "..طيوفه.." سابيه قلبي سبي
كلنا نعاني المفارق .. والظروف السارقه
ـــــ كلنا نشكي الغياب وصعب شوف اللي نبي
حالنا واحد من الله ... ماهي يعني فارقه
ـــــ صاحبك باأم القوين ... وصااحبي باأبوظبي
هذا حالي وهذا حالك .. لو سمانا بارقه
ـــــ ماسلمنا من غزال .. الا وطحنا في.. ظبي
ياعشيري خاف ربك دام شمسك شارقه
ـــــ لاتسب الدهر تكفر...وتغضب الله .. ياصبي
أدري إنك ماحكيت الا.. قهر لمفارقه
ـــــ وادري إنك ..ماشكيت ... إلا..وقلبك منسبي
وأدري إنك ماتمنى غير شوفه مارقه
ـــــ لكن أصبر .. ياعشيري حتى أنا .. والله أبي
دامها ظروف الزمان اللي جبرتنا نفارقه
ـــــ صل وأدع الله ..يحقق ... مطلبك مع مطلبي
يمكن الله لادعيته .. بمعجزاتٍ..خارقه
ـــــ وصادفت دعوتك..دعوة شيخ أو دعوة نبي
يستجيب وثم تبدل.. الاحساء بالشارقه
ـــــ وماتمانعنا .. حدود نشوفهم ... كل مــا نبي
.