يا ابن دغش هات القلم لي هاتـه=أكتب وانا بعطيك من زين الاشعار
ابـن مـهــمـل عايـزاتـن صــفـاته=انشهد انه من طويـلـيـن الاشـبــار
كــم واحـد يبـا يـــسوي سواته= لا كـان مـا يقـدر الـيـاصار ما صـــار
مـا هم مثل هديب دامت حياته= عز الرفيق وعز ربـعـه مـع الـجــار
كم واحد سجل مـبـارك براتـه=يعـجـبـك بالفزعه لـيـا صـارت محتار
يضفي على المضيوم كمة عباته=وليا نخيته قط نفسه علـى النار
يا كثر ناس يذكرون احسناته=لعـل عمره من طـويـلـيـن الأعـمـار
في جاه من صلى وكمل صلاته= وفي جاه من لاذوا عن الجور بالغار