محاورة بين شليويح الشلاحي ومطلق الثبيتي رحمه الله

السلام عليكم ورحمة الله وبركاته
وبعد


مطلق الثبيتي و شليويح الشلاحي
من الوزن الثقيل



مطلق

سلام الله سلام مثل طعم الذوب من مجناه ** عدد وبل السحاب اللي كثير الناس يرجونه
انا ماني اباني فلة في وادي مضماه ** ابا ابنيها على عد جميع الخلق يردونه



شليويح


هلا يا مرحبا ترحيبة وانته عارف معناه ** كما انك تعرف اللي من ورا قلبي ومن دونه
الى منك وردت العد كل يلتفت لرشاه ** تبي تشرب شراب كل خلق الله يشوفونه

مطلق

اثرك السوس والجاسوس جبت اشعيل من مرباه ** تقول انك صحيبي مار اثر نيتك ملعونه
ترى الغصن ما نكسر افروعه ولا نلحاه ** لو ان الشوك فيه وطلعته حلوه و مزيونه

شليويح

اشعيل اغليه كود انه تغّير وانتفخ علباه ** علامه يوم شاف الحشو قام يحك حنحونه
اعالج لي مريض وقلت مرة ما تجيب ادواه ** لكن القلب الابيض غاسلينه غسل صابونه

مطلق

نحرت لنا جملنا ثم اكلتو فطحته وكلاه ** ولا خليته لنا كود عرقوبه وسنسونه
لكن اللي غشيم في اسلوم الوقت ما نجزاه ** لعله ينطحه وعلى سهوم الموت بقرونه

شليويح

اثر مطلق لو انه ينذبح له قبل ما عشاه ** لكن اللي تجيبه في مخابيكم اتودونه
وكيل المال يظهر ثلث لو عود ما وصاه ** علامك يوم مات العود عن ذخره تقطونه

مطلق

اله عشرين لون ولا تقرب فعله الحرباه ** الى ما روع يصبح عود يتعكز على شونه
حصان اذياب راسه راس ما علق به المخلاه ** ولا ذاق الحدج ياللي على دربه تدربونه

شليويح

بلاه من العميل اللي مريض وصابته حماه ** الى داويت قلبه باين التقطيش بعيونه
ترى من حج بيت الله ذبح له ثور والا شاه ** ولا تذبح حصان عند غاراته يعنونه

مطلق

علامه يسمع المذن وفرض الله ما صلاه ** ابو خشم سواة السيف والحجان مقرونه
انا لي صاحب ما شفت من بين الحضور حلاه ** هروجه صنعت السكر وطعمه طعم ليمونه



مع تحيات / متغلي لعيون غاليه

الموضوع الأصلي: محاورة بين شليويح الشلاحي ومطلق الثبيتي رحمه الله || الكاتب: متغلي لعيون غاليه || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

أشوف ( نكك ) بينهم وأتأملك .!
.................وابحر مع مرسى غلاآك وحنيني

أتاآآبع ( ردودك ) وأقبل تواصلك
.................في : نك زائر خوف لتحس فيني

رغم أني أتجاهلك وأشعر تجاهلك
.................أحس فيه شعور .. بينك وبيني !