والحقيقه .. ان الشيخ صاهود ابن لامي لم يقتل !

وقيلت هذي القصيده لمخاطبة كل من يحرف بالتاريخ

تعالن يابنات الفكر هاتلي من الجزلات=من الجزلات ابطرب من سمع واصحي الغافين
نبا نرجع لتاريخ القبايل في زمانن فات=نبا نذكر بفعل اجدادنا واسلافنا الماضين
فعايلهم طواها الوقت لاكن ماتروح اشتات=لزوم انى نوثقها ونبقى دايما واعين
وانا ماني لتاريخ القبايل طابعن نشرات=ولاني راويه لكن اميز بالخطا والزين
انا صدفه دخلت العولمه ياعالم انتات=لقيت اشيا غريبه والفوها اصاحبنا الحيين
حقيقه حرفوها ودبلجوها واضهرت لشات=وصار اللعب بشعور الاوادم بين حين وحين
حرام يحرف التاريخ وين حقوق هالاموات=عجايب وينكم ياصحابنا العريف يالصاحين
ترا هذي جريمه وانصفوهم ياهل الذمات=ترا هذا ضياع المجتمع والمعضله بعدين
وانا اقصد راوي التاريخ ولي زوده بذات=امانه والامانه ينسأل عنها بيوم الدين
وين اللي ينصف التاريخ والدعوه مهي سبقات=ترا كل القبايل بالفعايل كلهم وافين
وانا من لابتن سجل لهم تاريخهم بصمات=لنا بصماتنا الي ماتغير لو تمر سنين
مطير اهل الوفا والعز واهل الطيب والوقفات=علوى وبريه مع عبدله اللي بلقى صعبين
بقياده شوخنا الدوشان وقت السلم والغارات=اليا من قال اخو جوزا نوينا بلزوم نبين
وانا ربعي حزامي متعبين الهجن وقتن فات=ارجالن ماتهاب الموت في وقت القسى قاسين
وهذا مختصر مما طرالي واسمعو نبذات=عن الجبلان والهرج الصحيح يحط في قوسين
(بعيدين المغازي والهقاوي مابهم ذلات=اسم سمى علي الجبلان مايحتار فيه اثنين)
تعدو من ورى (حوران) والماقف عليه اثبات=بثر شيخن علي وسق الذلول الي طواها البين
بثر من ذاع صيته بالقبايل ممبعد الغزوات=هذاك مزوج العزبان في وقت القسى وشين
ابو سفاح حرآ لاتنهض يدمي الصيدات=وصل حتى (صواب) وزود العزبه من اهل العين
وصل (عرعر)(وبا القور)وتعدا من وراه وفات=حقايق والحقايق عده القاصين والدانين
نذربه [مطلق الديدب]وقال اجيوشنا عجلات=نبا نصله ونوفي بنذور الي عليهم دين
ولاكن عنه ولو منتحين ولاحصل صدمات=تعدو [ للقبيسه ] عنه وقفو وبعدو مقفين
ترا التاريخ يبقى حي بقلوب العرب مامات=وصاهود العرب ماضنهم عن موته غاوين
يقولون العتيبي حوله من سابقه هيهات=وانا اقول اسمعو ياربعنا العتبان يالغالين
ابصلحلكم بعض الخطايا وانصتو لحظات=ارجالن ماتحبون الخطا لاكنكم مخطين
نعم بعتيبه الهيلا ازحولن تنطح الغارات=وياما روس شوخن حولها من علا الكتفين
ترا صاهود موته كبر سن ومن وليه مات=ولا لعتيبه ولا غيرهم في موته يدين
ترا عيبن علي الرجال يروي هرج دون اثبات=ومن يكذب احسابه عند ربن كونه من طين
واليوم بحكم شيخن بسياسه وحد الرايات=جمع كل القبايل صف واحد ماتجي صفين
اخو نوره حكم كل البلاد وخمد النعرات=وصرنا تحت حكمه كلنا وسط البلد ماشين

اقتباس من احد المنتديات
تواجهو الجذعان والجبلان من مطير في سناف الطراد فايسر الجثوم واشتد اللقتال بينهم ونادى صاهود ابن لامي غازي ابن زريبه للمبارزة وطلعله غازي وتبارزو فقتل غازي صاهود وانكسرو الجبلان وانتصرو الجذعان وكسبو البل فقام شاعر من الجذعان فقال قصيده لااعرف منها الا بيت واحد وهو
يا ذيب لا تقنب على قبر صاهود\\\ياشين لاتجذب عليه الذيابه
هذه السالفه اخذتها من الشيبان الله يحفظهم
وتقبلو تحياتي

الموضوع الأصلي: ~ الـتـاريـخ ~ بدر بن صاهود ابن لامي || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::