يابوبدر ماشفت بنت السرايا =اللي تشيل الزين وتقرب الموت
تسحب دلعها والحلا والعبايا =واتزعل اهل النيل وتضيع التوت
ليلن بوجهه مثل ضوح المرايا =العنق عنق الريم والطول مسموت
سوت بخلق الله ياناصر سوايا =تذبح وتنهب واكثر العالم اسكوت
ماكنها الا من سهوم المنايا =لاعرضت قلبي يغني على نوت
دقت هواجيسي وحارت اخطايا =وامسيت ليلي بين شامت ومشموت
لقيت ياناصر جمال الصبايا =وحارب ياناصر شرابي مع القوت
دانة بحر منها عناي وبلايا = من دونها حبل الرجا صار مفلوت
من نجد مدري من علو القرايا =خشفن يذيرها هوى مصر والصوت
لاعاد ليل السبت جدد عنايا =الموت شفته جا على شكل ياقوت