الملحمه الغطفانيه (الاولى ) شاعر غطفان

	شــاعــر غـطـفـان ذكرت لله قبـل أبـدا كلامـي =إلـه العـرش رب العالميـنـا هو الـرزاق والخـلاق حقنـا=وحكمـه نافـذاَ بلغيـب فينـا أبـدي خالقـي قـدام خلـقـه =عسى الرحمن الصـح يهدينـا أنا اسف على بعـض القبائـل=تعـد افعولنـا عكسـن علينـا تقول لكذب ما تخشـا الملامه =وحنـا للفـعـول مترخيـنـا فعول النـاس ماتوخـذ همايـا =خسرتـم يارجـلا مهتميـنـا سكتنا مرتن مـن بعـد مـره =طمع فينا الردي يـوم استحينـا ولا نرغـب لتعديـد الفعايـل =والاكناعـلـى هــذا بليـنـا أخبركم بفعل أمطيـر موجـز =بكلمـه صادقـه يـا سامعينـا قليلن غالـب أمطيـر العريبـه =على هامات الاعداء قد وطينـا لنا افعالٍ تشيـب مـن عرفهـا =يشيـب لهولهـا راس الجنينـا مناخـي المربـع والرضيّمـه =تذكرنـا المـواقـع مانسيـنـا ليا عـدت قبايـل نجـد حنـالنـا =التاريـخ فيهـا لاوليـنـا بها يشهـد لنـا تاريـخ نجـدآ =سـل التاريـخ وللـى كاتبينـا منوخت الجمل للحـرب حنـا=لهـذا الفعـل حنـا لسابقيـنـا لياناخ لجمـل ماعـاد يرحـل=على العدوان ام كانـت علينـا ليا شال الدويش الحمـل شلنـا=زعيم أمطير من ماض لسنينـا زعيم أمطير وأهـل لزعامـه=علـى مايامرالقايـد مشيـنـا ليا صوت بحمـران النواظـر=على رهن الإشاره حاضرينـا ليامنـا ركبنـا فـوق قـبـن=لبسنا الطاس والدرع الحصينـا توجهنا علـى خيـل لمعـادي=نقص الروس من بيـن اليدينـا عقيد القوم مـا يملـك شعـوره=تـول القـوم منـا هـا ربينـا عن الصمـان نزحنـا لقبائل= أخذناهـا جبـاري ماعطيـنـا أخذناها على ماجـد غصيبـه=بحد ا لسيـف قـد الـت إلينـا ملكنـا للغـديـر واللاهـبـه=عليها أمطيـر ناديـن وقطينـا حميناهـا وجودنـا حمـاهـا=تخـاف النـاس منـا ماتجينـا لون لارض تنطق بـا لوقائـع =يبخركم منـا خ الجـو عينـا يخبركـم منـاخ مـا جرابـه=بوقعـاتِ تشيـب المرضعينـا منـاخ الجـو ماسمـي تعبـث=ثلاث أمرار فيـه منـو خينـا دويش أمطيرما يوجـد مثيلـه=قليلٍ مثـل جنسـه مـا لقينـا له أفعالٍ مـع العالـم رهيبـه=وبالتاريـخ لأفعالـه قريـنـا ينوخ للجمل في وجه خصمـه=ثلاث اشهور واربع وشهرينـا دويش أمطير قهـار الأعـادي=بقلبٍ كـا لحجـاره مـا يلينـا يشب النار فـي راس الطويلـه=عن أعيـون المعـادي متقينـا دويش مظهـر التاريـخ مثلـه=يكـون للـي علينـا حاكمينـا ومنهو بالشجاعه مثـل فيصـل=ليـا كـروا عليهـم راجعينـا ترنا حنـا رهيبيـن المغـازي=ثلاث أشهور ليـا منّـا غزينـا ثلاث أشهور نمشيهـن ذهابـاَ=وثـلاثـه مثلهـنـه منكفيـنـا أخذنـا ثـار مقتـول النقيـره=نهلنا مـن دمـا هـم ورتوينـا وردنـا وردة الحـر القطامـي=عثـا بلجـول بلكـف ليمينـا أخذنا ثار من صـوت لعلـوى=وحنا مـع ذويهـم جـا لسينـا لناعـادات نـروي لسـلايـل=جـزاً لصـوت يومنـا نخينـا عليل القلب تشفيـه ا لضياغـم=بحـد لسـيـف ولا طلقتيـنـا تنشد كير عن جـدع الجماجـم=جزاً للي يخـون الامـن فينـا امنـا هـم وخانـو للاامـانـه=وحنا بـا العهـد فيهـم وفينـا تلقبنـا بحـمـران النـواظـر=وهـذا لاسـم معروفـاَ لبينـا قليلٍ غالـب أمطيـر العريبـه=ليامنـه زمـا لعايـل زميـنـا نبيع لـروح منـدون المحـارم=نحسـب الغلـب منـا لاعلينـا ولولا كـل مـا قلتـه صحيـح=سكتنـا بـا المواقـع ماحكينـا وهذا موجزٍ من فعـل علـوى=وباقيـن أمطيـر الا خريـنـا وللدوشان مـن هايـف تحيـه=حضـور القـوم والا غايبينـا تسماء القورمنا باسماء شوخـن=تعشاهـم ذيابنـا جـا يعيـنـا تعشاهم مـن لحيـز الحنـادي=تحت صم الحوافـر طايحينـا طرحنا الشوخ من فوق الاصايل=سهوم الموت جتهم مـن يدينـا على الويلان نا صرنا الطنايـا=ورديـنـا لعطفتـهـم يقيـنـا نخل الخيـل ماتملـك بعضهـا=نهـار الكـون نـروي لسنينـا كتبنا عن قدر تسعيـن فـارس=علـى بـاب العـراق معلقينـا ونخل الدم يجـري بالمسايـل=نهـار القـرن كـل عارفينـا تسميها العرب غـزوة خسـاره=لحيث الضد عادوا خا سرينـا وردنا عد لا داعـي لا اسمـه=حدانا القيـض يومنـا ضمينـا وطلق مالك المـاء مـا نذوقـه=نصحنالـه وطـلـق مرتيـنـا وقلنـا رايكـم يـأل لعوينـي=وقالو عيب نصدر مـا روينـا طردنا لضد عن مملك جـدوده=وطلقـنـا نـسـاه الاثنتيـنـا مطلقت النساء با لجبـر حنـا=جزاً للـي تـرد القـاف فينـا حجرنـا زوجهـا منفـك منـا=خلعناها وعـن راسـه عفينـا ابـن رشيـد خذينـا جــواده=خذت في ملك فتنـان أسنتينـا قطعنا راس من خـان لخويـه=اخذنـا لثـار يومنـا دريـنـا عطانـا وارث البـراق راسـه=جـزاً لوجيهنـا منـه إنتقينـا صلخنا وجه من خـان لخويـه=وعلق با لنقـاء لنـا ضرينـا وهذا فعـل رجحـان العبـادل=وباقيـن امطيـر الاخريـنـا نطحنـا القـوم لوحنـا قلايـل=عددنـا عـشـرة زايدثنيـنـا ابن رشيد والعشـره عـوارض=صناديـد الرجـال الطيبيـنـا تعاقبنا السهـوم مـن البنـادق=وصرنـا بالسهـوم الفايزينـا ليـا قلنـا هزمناهـم ولــواليا= با لجمـع الاخرقـد فجينـا ثلاث أمراريرسل مـن جنـوده=ورابـع مـرةِ جـاب الكمينـا وقلنا يا مطير أخـذو سددكـم=تـراكـم لامـحـالِ ميتيـنـا غداء مثل البرد قفش الهنـادي=هزمناهـم وعدنـا سالميـنـا طرحنـا سابقـه عـدة مـرارٍ=بحد الجال مـن حـد البطينـا بدينـا حربهـم صبـحِ مبكـر=لامن الليـل قـد اظلـم علينـا لنا وقعـه مـع علـي الخليفـه=وحنـا تسعتـن يـوم التقينـا هزمنا الجمع واحرقنا المواتـر=بسوق المـوت بعنـا ماشرينـا طرحنا الطايره من عالي الجو=رماهـا لله يومـنـا رميـنـا نهار الكـون ذبحنـا الخليفـه=ورد بالموت حـوض الهالكينـا وهذافعـل عطبيـن الضرائـب=هل الجدعـاء كعـام العايلينـا تجدد فعلهـم فـي كـل عـامٍ=ولا تفنيـه عشـرات السنينـا ذبحنـا قايدالجيـش العراقـي=والانخشـى جنـود الرافدينـا أكلنا راس عبـاس الظفيـري=وياما روس مـن مثلـه كلينـا فعول امطيـر معجـزةِ كثيـره=لكثر أفعولهـم مـا ينحصينـا حربنـا كلكـم عشـر القبائـل=عبرنـا نجـد منكـم منثنينـا ومنهـو مثلنـا يثبـت وجـوده=يثبـت حجـة فـي شاهدينـا يقول الصدق نطقـن وستقامـه=ويبدأمـثـل ماحـنـا بديـنـا وفرق امطير عن بعض القبائل=مثل فرق الكرى عن طورسينا أخير النـاس بيـام الجواهـل=واخير النـاس يومنـا اهتدينـا ولولا حكم ابوتركي غطـا نـا=لكنـا بـا الجزيـره طامعينـا ولاكن حكم ابوتركـي جبرنـا=وخضّـع للقبائـل اجمعيـنـا حكم بالشرع والديـن الحنيفـي=وساوانـا جميعـاَ وستويـنـا وخلى الذيب يمشي مع عـدوه=وليث الغاب رافـق للحصينـا هذا ماقاله الرجـل المطيـري=تمـر اشيـاء وحنـا ساكتينـا وأنا انصح كل ذو عقـل سليـمٍ=بفعـل أجـدادنـا لا يبتليـنـا سئـلـت لله ان ينصرلديـنـه=وأن يحفـظ إمـام المسلميـنـا وختام القول صلاتي وسلامـي=على سيد البشـر والمرسلينـا على من أسمه الهـادي محمـد=نـبـي لله بهـديـه مهتديـنـا منقوله من منتدى شاعر غطفان

الموضوع الأصلي: الملحمه الغطفانيه (الاولى ) شاعر غطفان || الكاتب: محمد بن حلبيد || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::