الحكم مهوب للشـــردان .... قـلــــــه تقوله لك منيره

بعد مقتل الأمير عبد العزيز الرشيد (الجنازة) عام 1324هـ

أخذ سلطان بن حمود العبيد يخطط لمقتل عيال عبدالعزيز المتعب

وفي 16 ذي القعده بعد سفر أمهم موضي بنت حمود العبيد وأبنتها منيره للحج بأربعة أيام خرجوا للبر

وقتل سلطان أبناء الأمير عبدالعزيز المتعب وكان أصغرهم محمد وعمره ثمان سنوات

أما (سعود) هربوا فيه خواله السبهان للمدينه المنورة

وحزن الأمير حمود العبيد من عمل أبنه سلطان وسعود وغادر الى المدينه وقال هذه القصيده

يـــا الله يا اللي لأشرف الخلق حبيت .................................... يـــــــا رايف بالحال رف لي بحالي

يـــــــــــا الله ما غيرك لحي تلاجيت .................................... واضحى بحكمك يــا عزيز الجلالي

طلال يلجــــــــــأ لي وأنا له تلاجيت.................................... وانـــــا أشهد أنه من ضناين حلالي

ومتعب ولــــــــــد بنتي بحبه تعريت.................................... وعز الله انه اغلى من عيالي ومالي

ومشعل يداوي الجرح لـو ما تداويت .................................... ليـــــا شفت زوله تورد الما حبالي

يــــــــا ليتني قنصت معهم ولا جيت .................................... ولا شــــــــفت ذبحتهم محمد قبالي

مــــــــــا ينفعن كثر المنى لو تمنيت .................................... ولا يـنـغـرف دمن نثــــر بالسهالي

فريت يــــــا دار الخطا منك واقفيت.................................... مثــــــــــل البعير اللي يصيبه جفالي

والمسجد اللي من غلى أبـوي حليت .................................... ليـــــــــــــا أذن المذن نصيته لحالي

ســــلط على سلطان وسعود وسبيت .................................... من شأنهم فارقت أنـــــــا كل غالي

عـــــــــــزَ الله أني بالعهد ما ترديت .................................... مـــــــــــن ذخر عبدالله قديم وتالي

بالعين أرعاهم ليـــــــا قبلت واقفيت .................................... لا شـــك جا نقض العهد من عيالي

ذكرتلي خلــــــــج ترزم على البيت .................................... كــــــــــــد ضيعن حيرانهن المتالي

سلطان يـــــــا قاطع برحمه تعريت .................................... يـــا اللي عهوده كثر صرف الريالي

كزيت لي خط كمــــــا ريح كبريت .................................... توعدن باخذت جـــــــــرود الزوالي

ميزتك فرش محمد شــــايع الصيت .................................... أو فرش أبـــــو متعب نحاز العيالي

محمد عقيم وبالنقـــا حصل الصيت .................................... وحــــــــــاز المراجل دقها والجلالي

وقالت أختهم منيره بنت عبدالعزيز المتعب

يا فاطري يا بعد سلطان ........................ يجفل ليـــــا طالع الذيره

ذبــــح ثلاثه من العقبان ........................ حكمن غدى يالله الخيره

الحكم مهوب للشـــردان ........................ قـلــــــه تقوله لك منيره

ويقال أن شمر لم ترضى بما جرى من الأمير سلطان بن حمود بن عبيد الرشيد

وأنه جاء الى مجلسه احد فرسان شمر وقال

جيناك يا الشيخ الجديد ........................ نبي نــدور وش وراك

ذبحت مفراص الحديد ........................ فكوك ريقك من خراك

منقول

الموضوع الأصلي: الحكم مهوب للشـــردان .... قـلــــــه تقوله لك منيره || الكاتب: الراوي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::