قالوا اتسير قلت مامن مسايير=لغير
عبدالله فلاني برايح
عبدالله الماجد ولد قايد مطير=شيخن تعدا بالفعول المدايح
وجه الكرم طير السعد والتباشير=غيثن انصوبه وسطها الخير لايح
اسلاله الهارف زبون المخاسير=عساه يبقى يالوجيه الفلايح
حفيد منهم ينطحون الطوابير=يومن كلن بالعزاوي يصايح
يسوقني حبه عن الغير واسير=واجيه خرمانن من البعد سايح
هذا (ملاذ مطير ) عقب المناعير=نجمن سطع في صفحة المجد لايح
غلاه دق بضامري له مسامير=واعروق قلبي للسنافي ذبايح
هذا الغلا اللي عن جميع البشر غير=يرقى سهم واسهوم غيره تطايح
صحيح راع الخير يلقى به الخير =مكاسر العنبر وزين الروايح
ولاتلحق الشكه وجيه المسافير=والاش مافاده كثير المدايح