نضحك على{ أنفسنا } وأحبك وبعدين ..؟؟!!
كانك تبي بالدين خذها على الدين
وكانك تبيـهـا بالعقـل ما تندمت
لأني عرفت أن كلبونا مساكين
ياما على حالي وحالك ترحمت
فكر وشوف دروب قلبك على وين
وشفيك طالع طقتك ماتعلمت
يابوي ربي ماكتب بين الاثنين
وش حيلتي ياما وياما تعشمت
مبطي وانا من عام تسعه وتسعين
أيه أعترف عن شوف غيرك تلطمت
لاعاد لي قلب ولاعاد لي عين
أيه أعترف واليوم هذا تفهمت
حطيت نفسي بعدها بين قوسين
وعرفت بأنه حلم لو ما تحلمت
نضحك على أنفسنا وأحبك وبعدين
لا عاد ترجع للوراء و لا تقدمت
يا بوي والله كلبونا مساكين
خَلنِي بحالي وأتركَنْ لو تكرمت
للشاعر المبدع : عبدالكريم الجباري
تحيتي لكم  ....
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
آخر تعديل al-3OoOoOb يوم
25-11-2009 في 12:15 PM.
|