عشرة شروط إن كان تبغاني أجيك
حتـــى يعـود قـــلـب مغـــليـك بيـتـك
أبــيـــــك تـــرضينـي وتتـرك تغــليـــك
وأبيك تعطينــي مثــل مـا عطيتـــك
وأبيك تفــرح بي ليا جيت ناصيـك
يعــني تــفـز وتنتـهـض لا نصيتـــــك
وأبيك تنسى كـل من كـان شاريــك
مادام أنا بدمــوع عينـي شريتـــك
وأبيك تعرف قــدرك بقلـب مغليـك
وأبيـك قــد الهـقـوه اللـي هقيتـــك
وأبيـك تتنـــازل وتتـــرك تحــديـــك
وأبـيــك خطـــن لا كتبتـك قريتـــك
وأبـيك تنسينـــي دروب التهاليــك
يا دربي اللي تهـت فيك ومشيتـك
هذي شروطي كان تبغاني اجيـك
هذا بعد يا صــاحبي كــان جيتـك