::منتدى الجبلان الرسمي:: - عرض مشاركة واحدة

03-12-2009, 11:07 AM

يا حمامه مال ظل الغصن الاخضر يا حمامه =وانثنت للنود الاغصان الطريات الصخيفه

وانتي اتجرين صوت الحزن لكن في ختامه =ترسلين الحزن للمحزون ب الحان خفيفه
كنك اتقولين يامر التوجد والندامه =وجد من لموا عليه اعداه وعيونه كفيفه
كان هذي فعلتك يا بري حالي يا سقامه=بري حال اللي من الغربه غدت حاله نحيفه
وش يسوي من فقد غاليه في لحظة كرامه =يا يضحي فالكرامة يا يضحي في وليفه
واصبح الموضوع متعلق بقلبه وانقسامه =الخيار الاولي مرفوض والثاني يخيفه
ولا بقا قدامه الا خنجره يذبح غرامه =من وريده لا وريده دون لا يرحم نزيفه
ما جداه الا يقوم الليل لاهود ظلامه =ويتنفس بارد النسناس والاجوا اللطيفه
ايغرق بين التوجد والحسافه والملامه =وان غفى جرحه تجهم وايقظه وايقظ رديفه
بين عزة نفس ما ترضى بديلا للشهامه =وبين هم يحتريه وبين هم يستضيفه
الوليف اللي كوتني غيبته واعلن خصامه =بيح الله سد الايام الردية والكليفه
كيف جادت بالفراق وكيف شحت بالليامه =وسلبت مني ربيع العمر واهدتني خريفه
امنعت عني وانا العطشان همال الغمامه =مثل ما تمنع يد الممسك عن الجايع رغيفه
افطمت قلبي على الفرقا قبل حل الفطامه =واسقته من همج ماها شربة ماهي نظيفه
الوليف اللي وضعته بين طرف وبين هامه =وان نزل ما ينزل الا واحة القلب المريفه
كان يستحوذ على فكري وجله واهتمامه =فكرتي له مهرة حرة وشاردتي عسيفه
مرٍ ابلش في بناه ومرٍ ابلش في هدامه =ايتشيطن لين اقول الشيطنة مهنه شريفه
ثم يرجع يبتسم لي لين تشرق لابتسامه =من جبينٍ كنه البراق بالسحب الكثيفه
ان تكلم قلت يا لبيه يا محلا كلامه =وان سكت تغشاه عزة نفس في هيبة خليفه
لين يوم الوصل غطا غرته واردف لثامه =وابتدا ليل الفراق وليلة الفرقا عنيفه
وعقبها حسيت بان البعد صابتني سهامه =وقلت وانا ابعثر اطراف الغلا واجمع لفيفه
يا وليف لا يزال القلب يهديك احترامه =الفراق ان حل لا تنسى وليفك يا وليفه

ناصر علي الحارثي