كل شبر بهالوسيعه ملك ربي تعلمين
وأعلم اللي خلقني خلق لك هالعيون
ولكن أنتي من جلستي وأنتي فيني تحدقين
كن مابه ناس غيري بهالكراسي يجلسون
لوسمحتي عاد أسمعي حتى لو ماتسمحين
المهم اللي بقوله تسمعينه ويسمعون
ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة زينه والحياء في البنت زين
وفيك جآزم لاركادة ولاحياء يذكرون
تعرفيني ؟!!أعرفك !!؟ماأذكر إنا ملتقين
لاأعرفك من تكوني ولاتعرفي من أكون
وأطمأني إن كان قصدك بس فيني تشبهين
ماهو أنا اللي تعرفيه والبشر يتشابهون
مادريتي من التشابه يخلق الله أربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين!!
خايف أن نصير فرجة واللي ماشتروا يتفرجون
وإذا ببالك عاجبتني لايحوشك تحلمين
صح ربعي من جمالك فيك صاروا يمدحون
بس وش لي في حلاتك دام فيها ترخصين حشمة البنت وحياها والكرامه يلفتون
ولو توفر فيك هذا مع حلاتك تبشرين ماهو أنا ألف غيري باب بيتك يطرقون
وش علامك رغم كل اللي أقوله وتسكتين موطبيعي هالسكوت وهالبرود وهالسكون!!!
أنتي خرسا أسألك ولا منتي تسمعين؟؟ قالوا ربعي ذي كفيفه قلت لالا تمزحون
لين شفتك يوم رحتي يمسكونك باليدين
مادريت الإ عيوني أربع أربع يذرفون آه ياني منه مشهد يوم شفتك ترحلين جيت أشوف عيون ربعي لقيت الكل يدمعون ياكفيفه يالعفيفة إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟