انا احبابك.......................؟؟

عبدالعزيز محمّد المــآلكي ..

منكُم من سمِع به ، ومنكُم من لم يفعل ..



*



بداخلهِ لكُلّنا قصه ..

فلنقرأهـا قِصّتنا / قصّته

..

رتّبت عيني قبل شُوفتك بــ اشهرْ
والّلحظه اللي شِفتــها فيك دنقت !
كــآن الكلآم أوراق في الغصن / مُزهر
صــآر السكوت (يتكّ،) من رهبة الوقت

**

مـآ تمُوتي ؟؟
لو نِده غيري لغيرك .. صدفه اسمك !
والتفتّي ..
..
ومــآآهو صوتي
ماتمُوتي ؟!!

**

أنـآ أحبابك / أحبّك / كثر ماعرّق جسد بـآبك ..
عنا / من طق طق ايديني عليه ، وكِثرت التَقبيل

**

يـــــــآآ كِثر ماكنت افتِعل لك غيَابي
.... واتوهّم انك خـَـايفه بصدق هـ الحين
وان الحنين أوشَك فِــ قلبك يِحَابي
.... لــ المُوت من شوقك على ضمّتي لين
كنت اعتقد لاغبت مرّه ، ودرا بي
.... نبضك ، بيغرس جوف صدرك سِكاكين
واليوُم سابع يوم مر وقرا بي !
.... لكِن عتابي (ليه مَنتي تدّقين ؟؟!)

**

تجيــن ..
ويرجف المـآء
وينسكب بوكيه ورد ..
وتشهقين ،!
واتبلل بـ ارتِباكك ..
مدري خــوفك ..
مدري استحيــآء ، متخبي فــ شوفك ..
لاتلمّيـن الندى .. تبرد كفوفك..!
اتركي
كل شي ، مثل ماهو عليه ..
ماحصل الّا الحنين.. !
وكلها
[بوكــيه ماء]
انسكب ،،
شفته على ثوبي ، تشكّــل ياسمين ..!!
اجلسي .. خليني اطلب لك شوية اكسجين
وكاس ماء
طمني كلّك وخوفك .. ماحصل الّا الحنين ..!

**

خذي باب الغياب وسكـري الذكرى على يديني !
.... عشان يديني لاتنبت حنين ،، وتنده تردّين
معك غيبي / وخلي لي الذبول المنطفي فيني
.... أموت أعذب / ولاقهر الرجــال يعيشني بعدين
لِما تعيشين في عيني ولا تطيحين من عيني؟
....اخاف اتهيئك واعمى .. ولاتطيحين من هــ العين
كفايـــه لاتحديني على الفرقا / وتنهيني
.... ياويلك من دموع اللي بيبكوني اذا تدرين

**

كلَ مـآبكِيت أذْكر دفآآ لمسَة إيدكـ ..
وأبكٍي عشـآن إيدكْ تَرأف بدَمعي ..!

**

مــآني حزين
الدمع هذا..
ناس / مرّوا عيوني عابرين ..،
وخلوني حزين !

**

ضربت الشمس في عرض المكان /.. وطاحت الفيّه ....
ورى الفيّه ....
ورى بِنيه
عطتني توت ....
وقالت : مووت ..!
إذا عرس البُكى ما زف لك أحباب ....
وإذا ما حس بك حتى رصيف البرد / والأصحاب
موت .... وبعدها راحت ....
تلم أصحابها في دفتر الصبح الرحيم .... ألعاب

**

ثيــآبك باليه وأدري في نفسك ، تشتري دولآب
.... على مسمار علّقت الأمل كله فــ جدرانك !
عيونك توشي أن الدمع عالق في هدبك احباب
.... تخاف أنه يطيح وتنكسر في نظرة اخوانك !
ثمان سنين / وآمالك وهم يسكن شقق عزآب
.... وإذا زاد الإيجار احيان تحزم شنظة أحزانك !

**

بسّك ..
جيت أشمّ الورد / خدّك .. بس بستك !
حتى مدري
بأي طعم أو لون ذقتكـ ..
آهـ
ياحلوك عليك ..
والعتاب اللي فــ عيونك / كل وقتك ..
وأنا كل ماشفت وقتك في عيونك ..،
قمت بستك !
لين أشمّ الورد / خدك .. وأنتِ تقولين : بسّك ...

،
،
،
يـآآرب يعجبكم

الموضوع الأصلي: انا احبابك.......................؟؟ || الكاتب: * جمرة مطير * || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::