11-12-2009, 07:27 AM
|
|
|
|
|
|
::+عضو شرف+::
|
|
|
|
|
|
|
لوني المفضل
Cadetblue
|
|
رقم العضوية : 2672 |
|
تاريخ التسجيل : Mar 2009 |
|
فترة الأقامة : 6122 يوم |
|
أخر زيارة : 17-05-2022 (11:07 PM) |
|
المشاركات :
2,182 [
+
]
|
|
التقييم :
10 |
معدل التقييم :
 |
|
بيانات اضافيه [
+
] |
|
|
|
(أحمـــد المجاحمـــه)
[ أحمد المجاحمه ]
.
.
.
اسمٌ جميل وشاعرٌ استطاع ان يطوع الكلمات ويصيغ القوافي ..
بكل احساس صادق يحملنا بين جديده والقديم..
هنا اردت ان اتيح لأكبر عدد من اعضائنا الكرام متابعة قصائد شاعرنا الخلوق أحمد المجاحمه ..
وحاولت قدر المستطاع ان اجمع لكم مااستطعت ان اجمعه من قصائد له ..
ومعظمها موضوعه بمنتدى الجبلان بمشاركات سابقه له ..
فإبقوا مع إحساسه الجميل اللذي يحمل من الرقي والجمال الكثير ..
اترككم مع الجمال ...
فأبقوا هنا ..
.
.
.
[ ياربعي الجبلان ]
ياربعي الجبلان ياسهـوم المنايـا فـالزحـام
يالابتـي يامسنـدي ياتـاج راسـي ياذهبـي
يا أثقل من جبال السراه أن جأء مجالٍ للكـلام
ياللابه اللي لابغت دايـم تجيـب اللـي تبـي
يالابه اللي يعشقون المـوت لجـل أم اللثـام
ستر العذارى لابسات الشال وأبليـس يهبـي
يااقسى من الشلفى فـيد غنيم والسيف الحسام
يا اكرم من اللي مدته تغنيك عن راس الظبـي
جبلان دايم في نهار الكون فـالصف الامـام
عوق العدو زبن الدخيل اللي من الظيم يحبـي
حبيتك أشاركم وانا معكم على حسب النظـام
وانا ما أعكس السير واللي يعكس السير الغبي
الله يجملنـي واقـدم شعـر مايلحـق مـلام
والله يقدرنـي علـى حمـلٍ يشيلـه منكبـي
أن كانها فـالطيب والمأجوب انا قـد المقـام
وأن كانها فـالشعر قبل أقول صلو عـالنبـي
[ مـا علـى قربـك مشاريـه و حسـافـه ]
المـسـافـه تشـتـكـي هـــم الـمـسـافـه
ملـت الخطـوات واتعبـهـا أرتحـالـي
الطريق اللـي مشيتـه صـرت أخافـه
ماتبـيـنـلـي مــــداه وكـــــم بـقــالــي
كـم نشـدت الـدرب عـن أول مطافـه
وعـن نهايـاتـه ولا جــاوب سـؤالـي
ضعت في ليـلٍ كسـى بـرده صلافـه
والزهاب اللي معي جـرحٍ شكـا لـي
عـنــك يـاذنــبٍ متعـبـنـي أقـتـرافــه
كــل ماهوجـسـت بــه زاد انفعـالـي
من نبش جرحي ورا صدري وشافه
ماتمـنـى يـكـون بحسـاسـه بـدالـي
صاحبـي شاعـرك بـكـا البـعـد قـافـه
بيـض الله وجـهـك وجــه الليـالـي
طالـبـك لــو كـــان مافـيـهـا كـلافــه
تاخـذ طيـوفـك , ولاتـطـري فـبـالـي
مـا علـى قربـك مشاريـه و حسـافـه
رح , وانـا يكفينـي بقـربـي ظـلالـي
مـا تخـاف البعـد , أدري لـو تخـافـه
كـان مــا خليتـنـي ضـايـع لحـالـي !
[ لو بديت المحبه ]
لو بديت المحبه بيـن وصـل وغـلا
الغلا غيمة الاحساس والوصل سيـل
لو عرفت الوفا مانكرت كلمـة هـلا
ياكريـم المشاعـر ماهقيتـك بخيـل
يـوم جتـك المشاعـر تنحني لـك ولا
ماقبلت المشاعـر والمشاعـر دليـل
ليت ما انكرتنـي قـدام كـل المـلا
يوم جيتك من صدوف الليالـي دخيـل
ليـه ذوقتنـي مـرك وكلـك حــلا
ليه تحرم ظما العاشق من السلسبيـل
الغلأ حل بأرضك ليـن صـد وجـلا
مالقابـك ظـلال ولا لقابـك مقـيـل
في غيابك رخصت الدمع ليـن امتـلا
جو فرقاك حزن ودبك خيـل وصهيـل
ليه ياورق نحـت وخافقـي ماسـلا
وانت لو تلمس أحساسي دموعك تسيل
وإلا انا من تفارقنـا .. أصـوت خـلا
ياجميل الملامـح ويـن رد الجميـل
[أثر اللسان أحيـان ماهـو لسانـي]
الضيق في صدري كسر حاجز الصمت
فجـر براكيـن الكـلام وحكـانـي
ماطاب لي خاطر حسافـه ولا نمـت
كلـه سبايـب همـي اللـي حدانـي
البارحـه مليـون مــره تألـمـت
داويت جرح وبان لـي جـرح ثانـي
ماهي غريبه لاانجرحـت وتبسمـت
دام الوفـا مالـه مكـان ومـوانـي
والكلمه اللي لاطـرت بالخفـا قمـت
لاجيـت بنطقهـا يعـانـد لسـانـي
حـار الكـلام بداخلـي ماتكلـمـت
كـن الكـلام يزيـد هـم المحانـي
أشيـاء واجـد تـو منهـا تعلمـت
اشره على نفسـي واعانـد زمانـي
درس الزمن خذيـت منـه وتفهمـت
ياكثر مـا أخـذ منـي ولا عطانـي
ابوس راسك يازمـن لـو تكرمـت
كافي ولـك منـي جزيـل امتنانـي
أثر الكلام احيـان يقتالـه الصمـت
وأثر اللسان أحيـان ماهـو لسانـي
[ ماأقصد اجرحكـ ]
يلـي علـى درب المفـارق تـولـم
بانت على درب المفـارق ملامحـك
مـن يـوم قمـت تمرنـي ماتسـلـم
ماعاد يهم اخسـرك أو انـي أربحـك
مـادام مـانـي ظالـمـك لاتظـلـم
ولا تذمني بظهري وانا بظهرك أمدحك
عرفـت بأنـي كنـت فيـك أتحلـم
وعرفت ذنبي .. ذنبي اني أصارحـك
ألــي بقلـبـك طلـعـه لاتـألـم
أذبـح كـلامٍ حافظـه قبـل يذبحـك
عجـزت فيـك اعلـمـك ماتعـلـم
أنصحك واعلمـك ماكنـي أنصحـك
يا اخـي ليـا منـى جرحتـك تكلـم
لاتشيلها بقلبك وانا ما اقصد أجرحـك
[ ضايق ومغبون ]
الله معك ياللي نويت تغيب وتزيد الطعون
وانا لي الله والليالي ماحسبت احسابها
خابت بي الايام والدنيا وخيبت الضنون
واقفلت بيبان الهوى واحكمت قفل ابوابها
لكن لحظه ياصحيبي واستمعلي لاتهون
جمله وابي تفسيرها او بالاصح اعرابها
وشلون قلبك طاوعك وخابرك ابو قلب(ن) حنون
وشلون تجحد عشرتي والنار من شبابها
وشلون تهدم مابنيته لك بقلبي من حصون
طالبك علمني وش القصه وهات اسبابها
يعني عشان اني عطيتك قلبي وزود العيون
ولا عشان اني اموت بشوفتك واحيابها
ياكثر ماتخطي على قلبي وردي لك تمون
ويا كثر ماطوفت زلاتك وكشر نابها
من غبت حالة شاعرك في كون والدنيا بكون
وياويل حالي من عقب فرقاك وانت ادرابها
اي والله اني من بعد فرقاك ضايق ومغبون
وماعت اميز بين صادقها مع كذابها
[ فنجال فرقاك ]
ياماخذ القلـب قلبـي ويـن وديتـه
نطرت قلبي يجي منك ولا جانـي !
رحت اتحراه يرجع والحشـا بيتـه
والظاهر بقربك ارتـاح وتناسانـي
وشلـك بقلـبٍ تضمـه ماتمنيتـه
عادي تضمه ! وعادي تضملك ثاني
ماهي غريبه ليا جالـك وضميتـه
وسيع ذمه عسـى ربـي لايبلانـي
ماخفـت ربـك وقلبـي ماتبنيتـه
غيرت قلبي على ورحـت تجفانـي
ابيك تذكـر وشلـي معـك سويتـه
راجع ظميرك ورتب جمله أحزانـي
حتى الشعر فيك ضحكتـه وبكيتـه
يضحك على شانك ويبكي على شاني
في داخلـي لـك كـلامٍ ماتهقويتـه
كلام لاجيت أقولـه يثقـل لسانـي
كلام فالصدر مـن سبتـك كنيتـه
عجزت اقوله ماكن لساني حصانـي
حبل الوصل من يدينك ليـه هديتـه
حاولت أشيله ولاكن طاح ما أمداني
وقفـت حتـى مكانـي ماتعديـتـه
كن الصبر مرني عجـل وتعدانـي
فنجال فرقاك من صـدك تقهويتـه
والحزن غيم على الصدر وتقهوانـي
على كثر مانزف جرحـي وداويتـه
على كثر ماندمت وقلت وشـجانـي
الله يسامحـك قلبـي ويـن وديتـه
والله يسامحه قلبـي ويـن ودانـي
[ أظني اخطيـت ]
أظني اخطيـت ياغالـي وانـا هاقـي
انك تبيني وانـا اللـي حبـك ادمنتـه
كنت احسبك اقرب لعيني من أحداقـي
والحـب قـدام كـل النـاس اعلنتـه
واثرك تبيها مـن الله نـاوي افراقـي
كن الخطا يوم جـاء منـي تحضنتـه
انا اللي غلطان حبيتـك مـن اعماقـي
وانا اللي غلطـان يـوم الحـب بيتـه
راهنت قلبي عليـك وشهـد اوراقـي
اخطيت في حق قلبـي يـوم راهنتـه
قدمتلك مـن ظميـري باقـة اشواقـي
وقدمتلي جرح قلـبٍ جـاك ماصنتـه
الوصل وردٍ ذبل في رجـوة الساقـي
والقلب قـدام عينـك طـاح ماعنتـه
ضيقت خلق القصيد وخاطري ضاقـي
حتـى العقـل ماسلـم منـك وجننتـه
وش باقي اكثر من اللي صار وش باقي
مـدام كـل الغـلا والقلـب كفنـتـه
لاكن على الله مدامك نـاوي افراقـي
برحل وجرحك بنبرة حـزن هيجنتـه
[ عين السؤال ]
ياكبر قدر الاجابه فـي عيـون السـؤال
وياصغر حجم الاماني في عيون القدر .,
ما للخطاوي على درب المفارق وصـال
وماللمحبه بعـد فرقـاك صيـت وذكـر
شح الفرح , وانت غايب والبقـى لليـال
وما للعيون بغيابـك ذنـب غيـر السهـر
الحلم مات ودفنتـه وسـط قبـر الخيـال
والصمت من مات حلمي صار وجهة نظر
هي حزة الضيق تغشاني بوقـت الـزوال
فيها الدقيقه تساوي في عيونـي عمـر ,
ماعاد للصبر في صدري الرحيب أحتمال
ماعاد , وش عاد , اصلاً هو بقابي صدر
ناديت صدر الشمال و رّد صدر الشمـال
ماعاد بي وسع بـال ولابقابـي صبـر -
تعـال ياكثـر مـارددت كلمـة تـعـال
مع كل كلمة تعـال تطيـح دمعـة قهـر
أنبح صوت المشاعر والصـدى لايـزال
باقي على طاري الذكـرى يغيـب ويمـر
ياسبة الجرح ! صمتي طال والليل طـال
تعبت ادور لجرحي من فراقـك عـذر !
مخـــــــــــــرج ..
نـزف الاحاسـيـس لا ودي ولا ودك
انـا الله يعيننـي وانـت الله يعيـنـك
ما أشره على الدمع ولا أشره على خدك
الدمع لو يستحي ماطـاح مـن عينـك
دموعـك الغاليـه وان بيحـت سـدك
ماشوهـت قـدرك بعينـي ولا زينـك
اسحوا لي هذا الجهد المتواضع وسامحوني على القصور..
دمتم بحفظ الله ..
اختكـــــــــمـ/
(*قمرهم*)
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|
آخر تعديل (*قمرهم كلهم*) يوم
11-12-2009 في 07:42 AM.
|