لحظه بوادعك قبل انك توادعني=ماني من الى تروح ويمشي خلافك

لي عزتن يـآوليد الناس تمنعني=لو قلت مابيك تمزح خاطري عافك

قد قلتها لك قبل ماكنت تسمعني=واليوم فعلك هو الى حطم اهدافك

يابن الاوادم نصيحه وخذها طعني=ماكل شخص يذل النفس لا شافك

صحيح زينك في بعض احيان شجعني=لكن زود الكرم زودت بسرافك

ماهو بنا الى تنزلني وترفعني=لو درت في نيتك كسرت مجدافك

تبي الصراحه تصدد لا تطالعني=اخاف من دمعتك ولا انت ماخافك

ماغير واحد ولا مخلوق ولعني=الحب يجرف ولا تختار جرافك

لو قلت لحدن تحب وقالك يعني=خله وبعد مادام الوقت ماطافك

اصارع النفس والدنيا تصارعني=والفرق واضح بمقرافي ومقرافك

ياخي ترى القلب عيا لا يطاوعني=يابن الاوادم توكـــل خاطري عافك