ياطلة أشروق الضحى ناصـع البيـد=شمسٍ على الأرض وسماء مستضيحه
زحتي ضلام الدرب وأستعدل السيـد=وأدركتي دروب المسـار الصحيحـه
جيتي ومساء خير الليالي المساعيـد=ويامسهلا وضلـوع قلبـي فسيحـه
أركي على همي وتنحـي بـه بعيـد=وداوي شقا كـل الطعـون الجريحـه
ياضحكـة الدنيـا ويافرحـة العـيـد=ويارجوة آمـال السنيـن الشحيحـه
فلي شـراع الحـب ماغيـرك آريـد=مناي وحصلته ,, ونفسـي مريحـه
والحمـدلله ,, والوهايـب مقاصيـد=من جـود مـدات الكريـم المنيحـه
أغنيت رغباتي علـى غايـة الغيـد=والخير من بشرى الوجيـه الفليحـه
يحفظك ربي من العـداء والحواسيـد=ويحرسك من سوء النوايـا القبيحـه
مافـات يـوم مـع الغلاقـدره يزيـد=وصرح المحبه يعتلي عـن مطيحـه
وأبنـادم بعمـره سـرور وتناكـيـد=ولابـد مالدنـيـا بـسـده تبيـحـه
أخذتنـي كلـي معـك دون تحـديـد=وبشوفتك شعري يهيـض القريحـه
وأصّخر اللي ماأصخـروه القواصيـد=وألاحـي لعسرالقـوافـي لحيـحـه
لعيونـك تسـاق الخطـاوي مقاييـد=فـداك جوالـي وفدتـك الشريـحـه
يرد بأذنـي صوتـك العـذب ترديـد=واللي يعذلنـي ماسمعـت النصيحـه
حبك فرضته مثل مايفـرض السيـد=الطـوع للمسيـود قاضـي سريحـه
يالأصل واللي غيرك البيـض تقليـد=إلا الغزال أن قلـت حولـك لميحـه
ماشابهك يالمترف ويا أتلـع الجيـد=رسوم شكلـك بالوصـوف المليحـه
إلا فـرس جـدي لياجيـت بالمـيـد=لاجاء نهارن فيـه للحـرب صيحـه
وشاشت على صوت الفشق والبواريد=وقامت تموج وكـل فوجـن تزيحـه
ماكنهـا ألا ليـا نثـرت الجواعيـد=واللي تماري حـظ منهـي ياويحـه
عليك ماهـد الولـه حـادي الحيـد=يتوق شوقـه لانتشـا الـود ريحـه

الموضوع الأصلي: نواف الشبلان || الكاتب: سعود بن لامي || المصدر: منتدى الجبلان الرسمي

المصدر: ::منتدى الجبلان الرسمي::