على قلبي زعلت شلون يوم اقول طيعه طاع
ياقلبي ماهو كل شي اباقوله لك اتطيعه
ياليتك قلت لا بالله وفجوج الحياة وساع
وش يحدك على طيشه وتطنيشه وتلويعه
عطر سيد جنيد الجخ ماله فالكويت اسناع
يجي فأرض المعارض وقت ويصفي على البيعه
مع غير اهله لاهوب لا يشرى ولا ينباع
يعتق في خدود الغيد لين ايعاد تصنيعه
وانا خلي خذاله من عطر سيد جنيد اطباع
خذا سحره وخلاله مبيعاته وتوزيعه
يالبيه وفمان الله في ليله لقا ووداع
رحمني يوم ما خلاني استاجع بتوديعه
اصوت له ادور له ابي فيه اتلفت ضاع
فقدته من ثلاث سنين والضيعه هي الضيعه
فلامني سمعت ايوه انا قلبي عليك التاع
دريت ان الهوى ضيعاته أكثر من منافيعه
(*قمرهم*)
|