ياجار كانك طعتني برقع الطيـــر = طيرك وحش واقلوبنـا مستميتـــه
لولاي رجلٍ من رجال بهم خــيـر = ماصد واغض النظر من بخيتــه
ياجار طيرك كل ماعرّض اعصير = مدري علامـه يلتفـت مادعيتـــــه
يمر كنّه شـارد الصيـد لاذيـــــــر= لابوه لابـو حـي حيّـه، وميتـــــــه
اغير,وانذر، وانذر القوم، واغيـر= وابيع روحي، وانهـزم لابغيتـــه
يردّني ياجـار طبـعٍ لنـا غيــــــــــر= الجـار مانـدرج لغـرات بيتـــــــه
يبقا على حشمه، وشيمه، وتقديـر= ويـروح عنّـي بالـردا ماقفيتـــــه
من خوف شيِ مابعد صار،ويصير= يامّا هدمـت البيـت ،والاّ بنيتــــه
بعدٍ عن الهيّـن معـزّه وتوقيـــــــر= ورجمٍ على غيـر النقـا مابديتـــه
يحدني يـم الخطـا دون تبريــــــــر= الـي بلانـي بالهـوى ،مابليتــــه
وانا بشر مني خطايـا وتقصيـــــر= الله يغفـر كـل ذنـبٍ جنيتــــــه!!!

الموضوع الأصلي: قصيده الشاعر/ هادي الرزقي || الكاتب: مشارى المعرقبى || المصدر: منتدى الجبلان الرسمي

المصدر: ::منتدى الجبلان الرسمي::