يالله يدوم الامن ويدوم الامان=وسط البلاد الطاهره ويحماها
في ظل عبدالله وفي ظل سلطان=وال سعود الي يذري ذراها
ويعيش ابوي تركي سلايل كحيلان=عون الضعوف الي تدور عشاها
المجد لو ينطق ويخلق له السان=مافيه سيرة طيب غيره حكاها
سيرة شرف متخالطه بروح الايمان=فيها عبر للي سمعاها وقراها
فيها مواقف مرجله ومدة احسان=يوم اليتاما والارامل راعاه
يا سيدي تبقى مثل طول الازمان=مثل النجوم الي تضوي سماها
ودي اوصف حضرتك قدر الامكان=مير استمع لبيوتي الي وراها
اسكت ؟؟ ولا كلمه تراك انت غلطان=يالي تقول المرجله ما خذاها
المرجله لو هي على هئية ( انسان )=ما مثل ابو تركي فعله زهاها
ويعيش تركي سيدي طير حوران= نجل الملوك الي يشرف نباها
ويعش ابوه الي على العز نيشان=هو مبتدى الكلمه وهو منتهاها
والله يطول عمر ذربين الايمان=حكامنا الي تاعبين الخطاها
واليوم جيت الحفل عاني علشان=اخوان نوره عز منهو لفاها
ومن شان ابوتركي سلايل كحيلان=عون الضعوف الي تدور عشاها