الشاعر الكبير فهد الأزيمع الجبلي (شاعر الجيلين)

بسم الله الرحمن الرحيم

هو الشاعر فهد مطلق العناني الجبلي00

ولد شاعرنا عام 1340ه بموطنه المملكه العربيه السعوديه00

شارك في العديد من البرامج والنشاطات الأعلاميه والمناسبات الوطنيه

والثقافيه00ونشرت مقتطفات من شعره في دواوين شعراء بارزين00

ومنها00قصيدته بمناسبة اعتلاء الملك فيصل بن عبدالعزيز للعرش عام

1386ه00

وقصيده بمناسبة تولي الملك خالد للعرش عام139400

وقصيده بمناسبة تولي الملك فهد للعرش عام1402ه00

وقصيده بمناسبة تولي الأمير مقرن بن عبدالعزيز لمنطقة حائل عام1400ه

وقصيده بمناسبة تولي الأمير ماجد والأمير عبدالأله والأمير عبدالمجيد

لأمارة مناطق مكه والقصيم وتبوك00

وقصائده بالمناسبات عديده وان دل على شي فأنما يدل على أصالة شاعرنا

وولائه ووفائه أطال الله بعمره00

وله رديات عديده مع شعراء كبار00 وبالأخص أخيه الشاعر الكبير

عبيسان الحميداني00

ويصنف من شعراء قبيلة مطير البارزين أطال الله بعمره00

وله ديوان واحد(( ديوان الأزيمع ))

وقد حصلت عليه من أحد الأقارب والشاهد تعجبت لمفردات شاعرنا

وبلاغته وحكمته ونزاهته في جميع البحور الشعريه وفعلاُ هو شاعر

الجيلين00وسيكون بأذن له ديوان صوتي حصرياُ 00

وهذه قصيد غزليه من الديوان واهديها لكم00


يالله ياللي تعلم السر والغيب = ياواحدٍ تحيي رميم العظامي

تفرج لمن بسهوم حب الهوى صيب = رماه يامولاه بالحب رامي

صابن وصوبني نزيهٍ عن العيب = شريف ماوردت عليه التهامي

غصنٍ نبت بالقلب ماهو بتركيب = من سبته حالي طواها الهيامي

لو عالجوني يابو نواف ماطيب = كل الأطباء مجرح القلب دامي

الحب يذبح ماضيٍ له تجاريب = بينت لك سدي وانا قبل كامي

عندك دوانا ياحصان الأطاليب = اريد قربك يارفيع المقامي

قل تم مطلبنا الى جيت خطيب = يمك نفوز بقربكم كل عامي

لي الشرف مهما تكون المطاليب = الحق هوى بالي وغاية مرامي

ضفناك والعادات عند المعازيب = شرواك يروون القلوب الضوامي

ياسعود حب العشق مثل المشاهيب = وشلون نسهر وانت عينك تنامي

ارحم رحمك الله جزل المواهيب = لاتذبح العشاق ماهو نظامي

اللي ذبح نفسٍ بلا نفس تعذيب = كنه ذبح كل البشر بالتمامي

هذا كلام الله ولافيه تكذيب = ماهو كلام مفسرين الحلامي

واختامها مني سلامٍ وترحيب = لكم جميع ولك عظيم احترامي

فهد الأزيمع أطال الله عمره بالصحه والعافيه

الموضوع الأصلي: الشاعر الكبير فهد الأزيمع الجبلي (شاعر الجيلين) || الكاتب: ابن غظيان || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

رســـآلتي ,,,
ان لــم ترونــي يومـاً هنـا فلتعلمــوا اننــي قـد رحلــت
فأتمنــى ان تكــون القلــوب صآفيــه والنفــوس عنــي رآضيــه
بــ الاخوةِ لاقـــيتكم وبهآ اودعــكم ..
:فــ آسفه لكــل القلوب التــي اسأت إلــيها