 |
اقتباس: |
 |
|
|
|
|
|
|
|
|
|
هذي قصة قديمه جرت من نوع المساجلة والمداعبة وهي ان الشاعر مطلق الازيمع الجبلي رحمه الله كان يكثر من شرب الشاي
واخيرا أشار عليه احد اصدقاءه بعدم شربه لانه يشربه وهو جائع وتراجع عن شربه وصار يشرب الحليب.. وفيقول الازيمع في قصيدة طويلة بان الشاي
ليس فيه زود.في هذي البيتين:
الشاي خليته ولابه لنا زود=ولاضنتي من داخل السوق نشريه
خله لمن قرنه على المتن مرجود=اللي حماره بأم عروه تراعيه
@@ فالشاعره جوزا بنت جا الهمزاني الشمريه عندما صلح اخوها القهوة والشاي وصبلها الشاي قالت على سبيل المزاح ان الازيمع ترك الشاي ولازم اني اتركه فعلم الازيمع بما قالت فقال:
يا راكب اللي كن فيها اجفالي=ولد القرى ماهزعه مع سوانيه
سلم على جوزا سلامي زلالي=بنت الذي يثني على الجيش تاليه
يا بنت شربك من حليب المتالي= ولا الورق يقزي عن النوم راعيه
لا تشربينه يا عيون الغزالى = الا بياضه سكره ناقع فيه
حليب من يرعن بقفر الدحالي= في خايع نوار الازهار حاليه
@@ يوم سمعتها الشاعره جوزا اجابت على ابيات الازيمع بالابيات التاليه فقالت:
يا راكب حمرا زهت بالدلالي= تمشي نهاره واول الليل تسريه
تجفل اليا هز العصا فوق عالى=وتسبق جديد الهاف لو هي تباريه
تصب على الممشى ومس الحبالي=وماتاه من قلبه واعيرف تعديه
سلم على مطلق سلام الكمالي= لاتوقفه دون الازيمع تبديه
مطلق اليا عدو علوم الرجالي=يكسب مديح كل ما حل طاريه
تلقاه فوق الزل عند الدلالي=وقله وش اللي صاير عاف شاهيه
تقول يكفيني حليب المتالي= وان كان عفته يالازيمع نخليه
تمر الحسا يكفي لذيذ وحالي=وانا ترى الشاهي تركته ولا بيه
لا واهني من جدده بالمجالي=يرجع شبابه يوم كل يراعيه
@@وارجو انه يعجبكم هالموضوع@@ وشكرا |
|
 |
|
 |
|
-----------------------------------------
يا مال العافيه يا عيار الجبلان ..
صح لــســـان الشاعر مطلق الازيمع ..
ولا تحرمنا مواضيعك الرائعه ..
اسمح لي طال عمرك بتنسيق القصيده
تقبل مرورىى