المقادير
1كيلو لحم طلي لبيني حدر امه واذا مافيه لحيمه قعيد من القصاب
بس يكون القصاب ثقه
2عدد 2 راس بصل
3طماط حدج 2 حبه
4 بطاط 2 حبه على شان يصير رايب
5بهارات مع فليفله
6ملح حسب الطلب
7 عجنه جاهزه
الطريقه
يقطع البصل ويتفرقع مع شويه زيت وبعدين
يحط اللحم ويتفرقع مع البصل والبهارات ويسكب عليه
ماء ويوضع الطماط والبطاط على النار حتى يستوي
اللحم
بعدين لما يستوي تخبز العجينه على شكل رغفان صغيره
وتوضع بالجدح حتى يستوي العجينه ويشرب البطاط والعجينه
الماء ويصير رايب اللي بالماعون
وتكون اللحيمه ذايبه مع البطاط
يغرف في صحن (غضار ) احمر او اخضر مشجر
ويبرد لانه يبطي المرقوق يالله يبرد
واذا فيه مشفح يقطع مصرانهم
لازم يبرد
واذا بعد فيه سمينه ولاعندك من العواده احد احسن
طريقه الاكل باليدين بدون اكفاش اطعم
جعله مهابيط العفى
وهاذي صور له