مرحبا اخوي عزيز
اذا كنت تصيد القميري ولاتاكله فأنت تصلح لي *__^
انت اقنص وارسلهن لي هههههههههههه
أما الجرابيع ماعمري اكلتها بحياتي
إذا صدناهن للطيور والا ماعمري فكرت اني اكله
اما الضب فأنا لي فترة زاهده نفسي فيه ولالي نفس فيه
وقبل كم يوم لقيت ضب انتحاري وسط الطريق العام شوي والا اقلب بسببه غصب عني مسكت بريك ووراي سيارات ودي امسكه
مير تذكرت اني مالي مصلحه في صيده وغير ذلك الشايب اللي مثلي مايقدر يركض.
انا والله من فترة تارك الطبخ وقاعد اسرق لكم من منتدى فيه شباب طباخين.
وبالنسبة للطبخة الأخيرة اللي هي المظبي بإمكانكم الاستعاضة عن الحجر بملح خشن, لأن الملح يحتفظ بالحرارة مثل الحجر تقريبا.
على طاري ريحة الضب
فيه واحد من جماعتكم من ديرتن حولكم (قعميمي)
سوى موقف مع حربي رفيق لنا ايام دراستنا بالرياض قبل 11 سنة تقريبا
وقتها كنت ادرس اانا واياه ومجموعة شباب وسيرو علي وقالو اكشت معنا ( القعيمي ماكان معهم بالكشتة)ولاكان حتى عارف ان الشباب كاشتين.
انا
قلت مالي نفس وفيني نوم, عاد انا ناوي اروح وقتها (مسوي نفسي أغازل باليورومارشيه) وبعد ماارجع من اليورومارشيه احط راسي
.
الوكاد كشت الحربي ومعه واحد مريخي وجبلي, كانو ناوين يطبخون دجاج مدري لحم هههههههههههههه
ومروهم قصمان وطلبو منهم ماطور هواء وماقصرو الشباب فزعو
عاد القصمان صندوق سيارتهم مليان ضبان, قال القصيمي قبل يمشي تبون ضببه؟؟ (يسمون الضبان ضببة)
المهم عطاهم المقسووووم
وقعدو ذبح وصلخ في الضبان وتعشو عليهن
المهم من بكرى بالقاعة قعد المريخي يسولف على القعيمي انه هو وفلان وفلان الحربي كاشتين البارح وانهم تعشو ضبان
كتمها القعيمي بباله ويوم قعد بالصالة على الكراسي ويجي الحربي يقعد جنبه يبي يسولف
ويقوم القعيمي متلطم ومسكر خشمه ويقووول وش هالريحة الي معك, كل ريحتك ريحة ضباااااااااااااان
شكلك مفطر على ضب الله يقبحك ههههههههههههه
المهم ويقوم الحربي ويقول انصدمت ان ريحتي طالعه بالشكل القبيح و فكرت اني اروح للشقة واتروش , واني اخمد ولاارجع إلا من بركى ,
ويقول شكلي مضايق كل الشباب اللي بالقاعة بريحتي وانا مادريت.
طبعا هو مافيه ريحة , لكن القعيمي يضحك معه .
عاد راح الحربي وقال صج فيني ريحة لهادرجة
عاد علمه القعيمي انه يمزح وان المريخي حكى له قصتهم يوم يكشتون وانه عرف انه اكل ضب البارح من القصة
عاد يقول عقب الموقف هذا تركت الضب ولاعاد اكلته.
|