السلام عليكم

اضع بين اديكم

قصيده لصاحب المركز الاول في مسابقه الشيخ

صاهود بن لامي (رحمه الله)

وهي للشاعر الكبير/.نايف ابوطفره الجبلي

اتمنا لكم الاستمتاع

قالت فمان الله تصبح على خير=تامر بشي وقلت انا الامر لله
ياسيد ترفات البني الغنادير=القلب عقبك فيه خله وخله
ماعاد اميز طلعت الشمس واعصير=حتى طريقي يمكن اني مدله
قالت تقوله وانت شاعر من مطير=اهل الرماح اللي على الخصم عله
واهل الجموع اللي تضد الطوابير=يشهد لهم تاريخهم في سجله
فريسهم تثني خلاف المضاهير=بالرمح والشلفا وسيفن تسله
وقتن مضى بمعسكرات المسامير=لاصار فالميدان غاره وذله
تشهد لهم عقبان نجد المشاهير=المدح والنوماس هم مدهلله
وايضا خوالك ياصبي المخاسير=(الحثربي) ماغيرهم مزبنله
معنزينه فوق روس الشناضير=ماهي سوالف قصتن في مجله
يوم احتمى الماقف غدوله صوابير=واللي يعقد الحبل يرجع يحله
واليوم قلبك بشبكه كنه الطير=مايشبكه ياكود من فاطنله
قلت ارحمي يم النهود المزابير=يم الرموش الضافيات المضله
يم القرون السابحات الدعاثير=مثلك يقود الصيد دقه وجله
انا غريقن طاح في جمه البير=بيرن دلايلت العرب ماتدله
الحب بلوى والمفارق زمهرير=والقلب طاروق الحبايب يتله
تل اشقرن شاف الحباري مدابير=بين الحزوم النايفات المطله
له عادتن لاشافهن يهمل السير=اشقر وكلن بالضفر شاهدله
والحب قبلي كد شكوه الشواعير=وغنوا بعذبات القوافي ارضله
وانا على درب الرجال المناعير=والامر للي دبر الكون كله

الموضوع الأصلي: الحب بلوى والمفارق زمهرير،، || الكاتب: بندر الجنيدي || المصدر: منتدى الجبلان الرسمي

المصدر: ::منتدى الجبلان الرسمي::