خلي
هجرني تكفا ياموت زرني
وان ماقدرت دلني مكانك وانا جيك
مابي حياتي دام خلي هجرني
مابي حياتي دامه يقول مابيك
ايه يدري بظلم الناس يدري وظلمني
واكد كلام اللي يقولون ناسيك
لاكن قبل لاتاخذ الروح مني
بسال كم سوال لحبيبي وخاويك
وشلون قلبك ياحبيبي تركني
وتدري خفوقي كم له سنين هاويك
وماتدري بعادك وصدك ذبحني
وماتدري كم دمعآ نثرته وانا ابكيك
اسال جميع الناس وش صار عني
اسال وش اللي صار في حال مغليك
لوعات عاقل عيشتي كان جني
حالي لو اتشوفه بعينك يبكيك
لو علموك وش كثر قهري وحزني
من يوم حبي انتهى وصار ماضيك
لو علموك عن قلبي اللي يوني
مطعون يصرخ يشتكيلك يناديك
صار الحزن هو لعبتي صار فني
ابكي ندم والله اذا حل طاريك
ضيقت صدر ويا الهموم اسكنتني
احكي واكمل والا ماقلت يكفيك
اللي سمعته بسبتك انت جتني
عطيتني كرهك وانا الحب معطيك
ضاعت سنين وانا بالحب ابني
قصور وانهدت بسبب فعلت ايديك
جاك الوفاء والحب والعشق مني
حتى الوله والشوق والصدق مهديك
قلبي وفالك وانت قلبك خدعني
خدعت قلب كان بالحب شاريك
بكذب وخيانه وغدر قلبك حضني
في وقت قلبي يسهر يداريك
ماكنت اظن قصدك بحبك تذلني
ذليتني من عقب مامت انا فيك
هذي حقيقة بعض مامنك جتني
وبعض اللذي اسقيتني سم بيديك
ماكنت ساكت خايف بس لاني
ميت بحبك مقدر ازعلك واشقيك
حرمت اقولك من محبتك عطني
مادام غيري في محبتك مرضيك
ببعد بعيد واوعدك مااحني
ابشر اببعد ومع حبيبك بخليك
وابي مماتي ياخذ الروح مني
تاركلك الدنيا بها الله يهنيك
وليا سال في يوم انا انسان عني
قله توفى السبب طعن بيديك