كان ماانت بسبع عادي تعشاك السباع .....

الزمن يكشف قناع الوجيه أم القناع
........................ وإن كشفها شافت الناس وشهي ناويه

من لبس ثوب الدناءه تلحف بالخداع
........................... ومن لبس خف الجهاله دروبه غاويه

ومن لبس ثوب الصراحه سقط في الإرتفاع
.......................... ومن خلع ثوب الصراحه صعد للهاويه

كل شخصٍ له قناعه وله درب وطباع
........................ إن نزل وسط السهل وإن طلع للحاويه

الحقيقه يثبت الحق ويزول الضياع
............................. والحديث الصدق ثابت بخط الراويه

وكل عقلٍ ضاع رشده إلى من ضاع ضاع
.................................. ماترده عن طريقه ذيابٍ عاويه

وكم ديار ٍ صوت اهلها يهز ارجا البقاع
............................ واصبحت من بعد آهلها ديار ٍ خاويه

وكل شخص ٍ ماتعود يرد الصاع صاع
........................ تطوي احلامه كفوف السنين الطاويه

ماتخلد صفحة المجد وخطوط اليراع
................................. من بعينه عزه وذلته متساويه

تقلب الصفحه ولا يذكرون إلا الشجاع
............................ والليالي كم تفاجئ نفوس ٍ داويه

كل ماضاقت وصكت فجوج الله وساع
............................ وابن آدم ماترجى الغصون الذاويه

كان ماانت بسبع عادي تعشاك السباع
.............................. وكان ماجاتك بيومك تراها ضاويه

والفتن في ذا الزمن ساسها وجه الصراع
.............................. واكبر الفتنات فتنة علي ومعاويه

بس خل الجرح ينزف مادام السقم شاع
.............................. واكثر جروح الأوادم علاج مداويه

آه ليت الصبر يشرى مع الناس ويباع
....................... كان كل الناس لاقسى الشدايد قاويه

ضربةٍ حره ومرت وخلاها الدفاع
........................... والخطا فالحايط اللي فتح له زاويه؟
منقوووول

الموضوع الأصلي: كان ماانت بسبع عادي تعشاك السباع ..... || الكاتب: الـقـعـيـمـي || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::