للمحبه إحترام

صبحكم الله بالخير









وكل عام وانتوا بخير































يا كفوف القدر مال لكفوفي حصيل

غير دمع.. وقصيد له بقايا غرام



يا كفوف القدر ليه الفرح بي بخيل

شف كفوفك كريمه بالحزن والملام



ما لي حيله لو أنوي غير دربك سبيل

لو يثور السكوت.. الصمت يهزم كلام



يا قدر مال غصني يوم حظي يميل

شفني ما غير أنشد.. يا سنيني علام



ليت ليلي جديله.. ما يفلَ الجديل

يا نهار الجفا.. تايه بعتمة ظلام



التقفي تجني.. والعزا بالبديل

كلمة قالها.. من نظرته للغمام



لو حكى من توارى خلف ضلع نحيل

كان صوته لا تقفي.. للمحبه إحترام



إن رفعت النظر أوحي نويعس كحيل

وإن قصر شوف عيني يذكرك بإبتسام



يا عيون المها.. عذبك نهر سلسبيل

طاش عقل المتيم وإنفلت له زمام



انت حاجه لذيذه.. وانت منية خليل

وانت ضحكة زمان وانت بدر التمام



وانت وحدك وحيد بخافقي يا جميل

وانت نبضي وروض به تهافت حمام



خل متني يشيل من الشقا ما يشيل

دام حالك يرام... أبشر انا ما يرام

الموضوع الأصلي: للمحبه إحترام || الكاتب: محمد بن جبرين || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::