يا هلا مية هلا ..!

السلام عليكم روحمة الله وبركاته . .



اتمنى ان الجميع بصحه وعافيه . .



متواضعه جداً جداً . . للتواصل فقط . .



اتمنى تنال اعجابكم . .


..

..




مرحبا باللي لفاني ياهلا مية هلا
ياشعاع الشمس يانور الليالي والقمر

..

انت ياكل الحبايب وانت ياكل الغلا
شوفتك عيدن مبارك غيبتك موتن حمر

..

شف ظلام الحزن لامن جيتني عني جلا
وان رحلت القلب خيم في ظلامه وانثبر

..

جو بالي في وجودك بالسما فوق اعتلا
بين قطرات القيوم الممطره يمطر مطر

..

يا سحاب الشوق لامن جيتني قلبي سلا
العيون اللي تشوفك طبعها صار السهر

..

انت للشاهي بياله وانت للقهوى حلا
وانت للساخن بروده وانت للبارد جمر

..

كان تطلب ويش تطلب جبت لك ماقلت لا
جيت اشبه ويش اشبه ياقمر منته بشر

..

" كان تبغين الحقيقه يابعد كل الملا
الحقيقه ان وجودج بالزمن هذا خطر "




..

ف/الجبلي
..

الموضوع الأصلي: يا هلا مية هلا ..! || الكاتب: " فهد الجبلي " || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

..