بسم الله الرحمن الرحيم
السلام عليكم ورحمة الله وبركاته
قصيده للشاعر
خالد سلطان الهيت
سر ياقلم واكتب على القاف طاروق
.......................وارسل لابو عزوز رسم(ن) بياني
قصيدتي ماهي على العشق والشوق
.......................علم(ن) وصلني سامعه بالاذاني
ناس(ن) تشكك بالبدو يوم وتروق
.......................يدعمهم اللي بالملاقا جباني
يامزور التاريخ والقلب محروق
.......................هذي القبايل ساسها من زماني
هو يحسب ان الكذب يرقى بهم فوق
.......................ومدور الشهره مريض ومهاني
موجعك فعل الشيخ صاهود يابوق
.......................هذاك ابو سفاح نسل الحصاني
يكفيك لاقلت جبلي منت ملحوق
.......................بافعال ربعي شامخ(ن) كالمباني
ولا انت لو بجلبك معيا على السوق
.......................يفرح بك اللي يشترون الصواني
من قدم الزينه نقابله بالذوق
.......................هذا اختصار القول وسط المعاني
كتبت لك يابن الاكارم على اوق
.......................وختمتها باللي بذكره حماني
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|