اقتباس:المشاركة الأصلية كتبت بواسطة عزيز بن لامـي

ناس(ن) تشكك بالبدو يوم وتروق
.......................يدعمهم اللي بالملاقا جباني

يامزور التاريخ والقلب محروق
.......................هذي القبايل ساسها من زماني

هو يحسب ان الكذب يرقى بهم فوق
.......................ومدور الشهره مريض ومهاني

موجعك فعل الشيخ صاهود يابوق
.......................هذاك ابو سفاح نسل الحصاني

يكفيك لاقلت جبلي منت ملحوق
.......................بافعال ربعي شامخ(ن) كالمباني

ولا انت لو بجلبك معيا على السوق
.......................يفرح بك اللي يشترون الصواني

من قدم الزينه نقابله بالذوق
.......................هذا اختصار القول وسط المعاني

لاهنت ثم لاهنت ثم لاهنت .. وبيض الله وجهك ياخالد .. ولاهي غريبه عليك الرد علي الجبناء اللذين يدعون انهم باحثيين في التاريخ .. ويدخلون في اسم مستعار .. !

وشكرا ياعبدالعزيز علي نقل القصيده ..




أخوكم / سعود عبدالعزيز بن لامي