جيت الطبيب اللي على الصدر مختص
....................أبي يسويلي على الصدر تشخيص
ثم حط سماعه على الصدر قال أص
....................أسمع بصدرك حساس ووصاويص
نبي نسويلك أشعه ونفحص
....................ونمحص اللي داخل القلب تمحيص
سوى الاشعه قال ياصاحبي بص
....................لايدخل بصدرك أحد دون ترخيص
لقيت في صدرك مواطي قدم لص
....................والقلب مقصوص من الصدر تقصيص
وأنته عن اللي سارق قلبك أبخص
....................قلت أيه داري به وعن وضعه أبخيص
هذاك مايرخص لو الناس ترخص
....................وأنا بعد عنده ترى ماني رخيص
بيني وبينه قلبي النص بالنص
....................لا والله الا كًله بدون تنقيص
مادام هذي علتي ياطبيب أص
....................ماني في حاجة علاجِ وتشخيص
|
|
تعليقاتكم البناءه هي طريقنا لتقديم خدمات افضل فلا تبخل علينا بتعليق |
|
|