ياهيه أنا من حاضري ينبع الطيب=ولا مقـادم لابتـي كلهـا أمجـاد
أنا من اللي يحتمـون المواجيـب=كفّـار للكافـر وللمسلـم أجـواد
وانا من اللي يرعبون الرواعيـب=لا من حوافر خيلهم دكـت المـاد
سمر الجباه من الشقا واللواهيـب=حمر العيون من الظفر والنظر حاد
ستر البنات المترفات الرعابيـب=زبن الضعيف إليا غدا ذوده أبداد
شفت الجبال النايفـات المراقيـب=منا ولا يزعل من الحـق حسـاد
مع درب اخو جوزاء نفك اللواليـب=نرقا سنـود وعـزت الشيـخ تـزداد
مركاضنايفرح به الطيـر والذيـب=يلقى العشاء من فعلنا روس الاضـداد
ماجاك عن فيصل وشلفا تراحيـب=وهابس وفدغـوش المريخـي وعيـاد
وهايف وبن لامي وسحلي معاطيب=وجهز وبن جملا وفريـس الاضـداد
مجدي قديم الوقت ياجاهل الغيـب=ورث ٍ لنا من جدنـا يكفـي الاحفـاد