كل(ن) رقد وانا عيوني سهيره ،، قصيدتين للوالده

السلام عليكم


جايب لكم قصيدتين لامي الله يطول عمرها لو ان عتى عليى القصدتين الزمان

لكن قصايدها مطلوبه اكثر من تواجدي بينكم


اخليكم مع الاولى

وهي في سنة 1999

كان اخوي مشعل الله يرحمه مسجون ومحكوم عليه 4 سنين بعد التخفيف وكمل سنه ثم دخلت ذيبانه على الوزير
وعطته هالابيات ،، والحمدلله فك اسره

وقالت


يامحمد الخالد ترا البال محتاس
كل(ن) رقد وانا عيوني سهيره

اشكي عليك الحال ياطيب الساس
يوم القا نطّاح وجه المغيره

انتم هل الفزعه على قب الافراس
يوم الحرايب بالسيوف الشطيره

ماهمني لبس الجواهر والالماس
ولاهمني قل الحلال وكثيره

همي من اللي حط بالقلب وسواس
الله من لوعات بقعا يجيره

طيري هجع مني على هجعة الناس
مسجون في عنبر بعيد(ن) مسيره

مانيب سباح(ن) ولانيب غطاس
عزي لمن مثلي حباله قصيره

ياشيخ يادرع الوطن كاسر الباس
محدن عبث بالامن يومك وزيره

اشكيلك امن الضيق والهم والياس
يومن مشعل ماعرف وش مصيره

،،،،،

هي اطول من كذا وودي اكملها بس الخصوصيه لها حقها




والمشكله قصايد الوالده ماقدر اكتبها كامله ،، لان مثل ماشفتوا ؟؟



اما الثانيه

2004 /11/8
مسجل التاريخ عندي


وقالت




لا واهني اللي رقد وشتهى النوم
وانا علام النوم عيّا يجيني

والى بغيت النوم تغزيني احلوم
حرب(ن) من القبله وشرق(ن) تجيني

تقول غازييني من الفرس والروم
ضرب السيوف يشيّب المرضعيني

يالايميين ام النما اقصروا اللوم
خلوني اسكب دمعتي في ضنيني

اليا تذكرته غدت جبدي اقسوم
ياليتني ماشفت موته بعيني

مرحوم ياسيد المضانين مرحوم
اطلب لك الرحمه مع الصالحيني

الموت ما ردّوه عن ابن مكتوم
زايد بن نهيان ذرف اليميني

مابه حياة(ن) للبشر دايم الدوم
مثل مجاك الموت لازم يجيني

مادبره ربي مقدر ومقسوم
لاشك نفسي ماتمل الحنيني



وابشرو بالجايات تكون اطول وكامله


الله يرحمك يامشعل

وصح اللسانج يام خليفه

الموضوع الأصلي: كل(ن) رقد وانا عيوني سهيره ،، قصيدتين للوالده || الكاتب: جاسم الديحاني || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::