منقول : سلطان السهلي يمدح الجبلان

كان احد رعيان وقيان ابن لحيان يسوق سيارتة الوايت وقدر الله وصدم بعير
لفراج ابن مصيول وذهب ابن لحيان مع عبيد ابن عشوان الى ابن مصيول
واعلموه بالحادث واطلبوه فوجب لهم وتنازل عن ثمن البعير فأعجب هذا الفعل
الطيب الشاعر فقال هذه القصيده :




من بكوت الهندي مشينـا لفـراج *** ابن مصيول جعل الا نـذال تفـداه
وجبنـا اللـي لاتعـذر ولامـاج *** عبيد ابن عشوان يومن لـه جـاه
نسل الرجال اللي بساعات الاحراج *** تعرف فعايلهـم نهـار المثـاراه
بالهييه اللي خيلها جموس وادواج *** غرباً من الرقعي شمال المسنـاه
من يوم جينا هيلـع مثـل هـداج *** ساعة درى قال الجمل من فدايـاه
قال الجمل مكسور ما عاد يحتـاج *** وكلٍ يعرف أنه بخمسين مشـراه
ذرب اليمين وطلق منطوق وحجاج ***انا اشهد تستاهـل المـدح يمنـاه
من لابةٍ لهم على الخيـل مـدلاج *** على ظهورالخيـل يـوم الملاقـاه
حطو ديار القوم للهجن مسهـاج *** على عقيدٍ يتلف الهجـن مسـراه
هجنٍ مضرات على قطع الافـلاج *** يتلون ابن لامـي بعيـدٍ معشـاه
غزى ثلاث شهور بالقيض وهـاج *** ولا انكف الا الوسم تشرب ظماياه
نشت رقاب الجيش ياكـود بعنـاج *** وخفافن عقب المسـاري محفـاه
من بين قومـانٍ تعـدد بالافـواج *** شمـر وعنـازٍ لاكـن الله انجـاه
المدح بالجبلان له نـور وسـراج *** نورٍ مثل شمس الضحى الليل تجلاه
هذي فعول مطيـر ياكـل هـراج *** واللي جهل بالفعل ينشـد ويلقـاه
قومٍ فعايلهم كما الصبـح ينبـاج *** واللي تقول النـاس حنـا ذكرنـاه




الشاعر / سلطان بن ناصر الصليبيخ السهلي

**منقول من منتدى مطير**

الموضوع الأصلي: منقول : سلطان السهلي يمدح الجبلان || الكاتب: راجـع ضمـيـرك || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

\؛¤ّ,¸¸,ّ¤؛|راجع ضميرك جعل الانذال تفديك ××× من قبل تطوي بالمحبـه حصيـرك|؛¤ّ,¸¸,ّ¤؛|

|؛¤ّ,¸¸,ّ¤؛|ماني بميت منك بـس ميـتٍ فيـك ××× هذا مصيري وانت هـذا مصيـرك|؛¤ّ,¸¸,ّ¤؛\