سلسلة من أبداعات تركي ألفين ((شاعر الوطن))

((سيرة بطل))

يافالق الصبـح يامولـج نهـارك iiبليـل ××× ياجامع الناس في يوم البعث و النشـور
عليك كـل إتكالـي وأنـت نعـم iiالوكيـل ××× يا عالـم بالمصيـر و ماتكـن iiالصـدور
يالله يالله تهديـنـي ســواء iiالسبـيـل ××× و تعصم لساني عن الزله وعن كـل زور
الشعر موقف وحده مثـل حـد الصقيـل ××× لو كان كتله من احساس البشر iiوالشعور
يامـا رقابـي ورقيتـه بـراس الطويـل ××× وياما سبح بي بحور وغصت به في بحور
وانا ليا حـان ميقافـي قبسـت الفتيـل ××× و اوقدت من نار فكري للمسافـات نـور
واليوم لاهنت ياشعـري مايخـدم بخيـل ××× مادام سلحتـك الافكـار مانـت معـذور
قدمك من العز مايروي ظمـا كـل iiجيـل ××× سوالفه تزرع الامجـاد فـي كـل iiبـور
وقدمك لميع الهنادي والقنـا iiوالصقيـل ××× وقدمك من المجد ماترويه كـل iiالعصـور
مسافتـه عـز ماتنقـاس كيلـو iiوميـل ××× بركانهـا ماخمـد وامجادهـا ماتـبـور
ياموكب الشعر وقف واستمع لـي iiقليـل ××× حتى اني اعطيك للتاريخ رخصـة iiعبـور
سيـرة بطـل ماتغيبهـا حكايـة iiرحيـل ××× تبقى بوجه الزمن كالنحت فوق الصخـور
ماكانت ارض الجزيرة قبل ذاك iiالاصيـل ××× إلاتفكـك عقـيـدة وانـحـدار ودبــور
نهارهـا كـم قتيـل وليلهـا كـم قتيـل ××× جنايـزٍ مالهافـوق البسيـطـة iiقـبـور
قويهم سلطتـه تسلـب حقـوق iiالذليـل ××× وشيطانهم ساد والظلم انتشـر iiوالفجـور
وكلٍ لخصمه من اصناف العـداوة يكيـل ××× وصدورهم من جهلهم فالمعاصـي iiتفـور
مال الاْمن شجـرةٍ فيهـا مقـر iiومقيـل ××× ولابينهم للمودة فـي الجزيـرة iiجسـور
هذا قبل هيـت تخطيهـا عيـون iiالدليـل ××× وهذاقبل سطوة القرم العـزوم iiالصبـور
النادر اللي على العارض يهيـم ويخيـل ××× من يوم عمره عشر شوره غلب كل iiشور
من قو باسه صنع ممكن من iiالمستحيـل ××× ومن طيب راسه يحل معقـدات iiالامـور
زهابه الصدق والاخلاص حمل iiالصميـل ××× وسلاحه الدين والتقـوى سـلاح الغيـور
جمَع شتات القبايل ليـن صـارو iiفصيـل ××× واخوان عقب التناحر والجفـا والشـرور
وحكم بشرع الكتاب اللي ماغيـره بديـل ××× وعم الفرح فالبلاد وسـاد كـل iiالسـرور
لامـال ميـزان غيـره مايحيـد ويميـل ××× في سطوته ينكسر راس الجهل iiوالغـرور
شخصيته مالها فـي كـل جيلـه iiمثيـل ××× تجف الاقلام وبمدحـه تضيـق iiالسطـور
والله ليبطن ماجابـن ناقضـات iiالجديـل ××× مثله ولااقول في كـل النشامـى قصـور
ويالله يامستجـيـب للـدعـاء ياجلـيـل ××× من عبدك اللي لك مطيع وذليـل وشكـور
ترسل على قبر ابو تركي صدوق المخيـل ××× وسمٍ يساقيه من غـر السحـاب iiالبكـور
وتهـل فوقـه بسيـل مايلاديـه iiسـيـل ××× وترحم عظامـه وتغفـر زلتـه ياغفـور
وتجمع به المصطفى في جنتك iiوالخليـل ××× وتحفظ عياله مواكير الحـرار iiالصقـور
وإنك تجمـل وتهدينـي سـواء السبيـل ××× وتعصم لساني عن الزله وعـن كـل iiزورٍِِ

.................................................. .................

((ماني مجازيك))

ماني مجازيك في صدك iiوهجرانـك ××× ودعتك الله وتلقـى واحـدٍ iiثانـي
أتعبت الأعيان والأقدام من شانـك ××× وانته ولاشئ سويته علـى iiشانـي
فزيت لك يوم قلت اسمك iiوعنوانك ××× لوكان ماتنتمي لسمـي وعنوانـي
ماجيت ادورك و لا أطـق بيبانـك××× والا أترجاك مثل أفـلان وافلانـي
أنت الذي جيت لي وأعلنت iiبلسانك ××× انك على شوفتي جايع iiوعطشانـي
صدقت هجرك ومنطوقك من السانك ××× وأقبلت لك مندفع من كل iiوجدانـي
ما كنت أفكر يجي في يوم نسيانـك ××× وأنساك وانته معاهدني iiماتنسانـي
الابعد ما قريت الكـذب iiفاعيانـك ××× حاولت اوادعك وانسى كل ماكانـي
خلاص مانـي بمتعنـي iiعلشانـك ××× ودعتك الله وتلقـى واحـد iiثانـي

.................................................. .................

((الخلطه السريه))

ياعذابـي منـك ياموتـي iiوياحرمـانـي ××× زابنـك بالله تخفـف عنـي اللـي iiفيـه
من عذابي وشهور اللى باقـي iiماجانـي ××× في عيوني مـن عذابـك صايـر ماريـه
وانت تعـرف كـل ماتحتاجنـي iiتلقانـي ××× يشهـد الله عنـك ماتقـدر تشـح iiيديـه
بـس تكـفـي لاتعذبـنـي iiولاتنسـانـي ××× ضمني يانور عيني فـي حشـاك iiشويـه
كـل ماشفتـك تدخلنـي بعـالـم ثـانـي ××× عين تنظر لـك بشـر و الثانيـه iiحوريـه
فيك شيطـان الهـوى ياسيـدي وصانـي ××× بالغـلا والولـف والتقـديـر iiوالخنـيـه
والقصيده اليـا بغيتـه فيـك iiمايعصانـي ××× يتباشر في وصـوف عيونـك iiالسحريـه
ياوجـودي لـو أشوفـك يابعـد خلانـي ××× يشهد الله لحـذف الغتـره مـع iiالطاقيـه
كيف أنا المجني عليه وكيف صرت الجاني ××× لعنبوا حظـك ضبطـت الخلطـه السريـه
لين من حبك ومن طيشك نسيت iiاخوانـي ××× صرت أجـي واروح لاهـاذي iiولاهذيـه
والهوى هو حاكم شعوري وهو iiسلطانـي ××× لاحصـل لـي منـه لارحمـه iiولاماويـه
أشهد أنـه راح فيهـا تركـي iiالميزانـي ××× ومن يكذبنـي يعـرف الخلطـه السريـه

.................................................. .................

((البارحه))

البارحة يـوم كـل نايـم يـا iiنايـف ××× أخـوك ماهـوب لانايـم ولا iiواعـي
يحوف قلبه من همومه ميـة iiحايـف ××× من غير هم قديـم بيـن الأضلاعـي
هم يزعزع جبـال طويـق iiوالطايـف ××× مخفيه له مدة مـع باقـي iiأوجاعـي
لاشك ماني بمن غدر الزمـن iiخايـف ××× أعرف دخولي بعد ما عرف مطلاعـي
لكن الأيـام منهـا خاطـري iiعايـف ××× لـو أنهـا تجربـة عمـر iiوتمتاعـي
يلوفني عن مقاصد خاطـري iiلايـف ××× وأمشي مع الدرب وعيوني iiلمرجاعي
ولاعاد تنشد عيوني ويش أنا iiشايـف ××× مافي عيوني يسولف لك عن أوضاعي

.................................................. .................

((بداية خاطري))

على الله يابداية خاطـري يـا عاصمـة iiدنيـاي ××× علـى الله يالحـروف التايههفـي نظـرة iiالتايـه
على الله يالطريق اللي معاريفـك تعـب iiرجـلاي ××× على الله يا مسافـر فـي طريـق مالـه نهايـه
الا يالليل لا تسـري ولا تشـره علـى iiمسـراي ××× دخيلـك لا تقـدم شرهتـك مـن دون iiمسـرايـه
على شان الحبيب اللي يسابق نظرتـي وخطـاي ××× على نفس الطريق اللي من اجله تعبـت iiخطايـه
ترجيتك تساعدنـي وانـا منـدم علـى رجـواي ××× اذا شفتـك تـوادع ضيقتـي وتعانـق iiرضـايـه
وانا اخترتك رفيق الدرب في صمت السنين الجاي ××× ولا اخترتك ليـن اصبحـت لـي اعـز iiاخويايـه
وانا ماعشت وقتي يـا زمانـي بيـن راي iiوراي ××× انا عشته علـى عـز ورضيـت بحكـم مولايـه
ولااطرد من سراب الوقت مايخفي علـي منـاي ××× اعيش الواقـع الحاضـر لعيـن ايامـي الجايـه
مدام ان البحر ملك وهمسـات النسيـم اسـراي ××× عليـه مـن حزامـي ماتفـك ايدينـي iiالـرايـه
كذا ولا كـذا خاتـم مـلاك الفكـر فـي iiيمنـاي ××× يطيب بقربهـا قلـب الصديـق وتجـرح iiعدايـه
وانـا فاللـي ورثتـه ورث لا بايـع ولاشـراي ××× ومثلي فالوصايـه مايبـي لـه هـرج iiووصايـه

.................................................. .................

((لي صاحب قدره على الراس والعين))

لي صاحب قدره على الراس والعين ××× الـلـي عـسـا المـولـى يـطـول حيـاتـه
حـرن كريـم ومـن رجـالـن iiكريمـيـن ××× قـلـيــل فـالـعـالـم يــســوي iiســواتــه
بالطيب والنوماس والمذهـب iiالزيـن ××× والـعـرف والتقـديـر هـــذي iiصـفـاتـه
شاهـر ليـا عـدو زحــول iiالسلاطـيـن ××× اســــم يـسـجــل فـالـوفــا ذكـريــاتــه
فـي مجلسـه تلقـا هـل العلـم iiوالديـن ××× اهــل الشريـعـه والـنـقـا والسـمـاتـه
ياناشـد عنـي مــروح عـلـى iiويــن?? ××× الــدرب واضـــح مانـضـيـع iiجـهـاتـه
منصاي من شوفه يسـاوي iiالملايـن ××× شـيـخ حـفـظ ديـنـه وصـلـى iiصـلاتــه
ابــن جــزا شـاهـر زبــون المخلـيـن ××× لا طـيـب مــن قبـلـه ولا طـيـب iiفـاتـه
اقبـل سلامـن مرسلـه تركـي iiالفـيـن ××× ببـيـات مــن شـعـره ومــن مفـرداتـه

.................................................. .................

((ياصاحبي))

ياصاحبي واللي خلق نعمة iiالسمع ××× إنك هنـا بيـن المعاليـق iiثابـت
ماجيتلك صدفة ولاجيتلـي iiرمـع ××× وإن غبت عني فرحتي معك iiغابت
غيري عبث فالحب بسياسة iiالقمع ××× لكـن لا ودت ولا يـوم iiجـابـت
إلا محبك من عشق يحسن الجمع ××× ماشاب حبه لوقوى فيـه iiشابـت
والدمع هذا اللي تشوفه مهو دمع ××× اشعلت عيني لاجل اشوفك وذابت
واللي نزل منها على خدي iiالشمع ××× ارقد مدام الشوق فالقلـب نابـت

.................................................. .................

((السلسال))

لي الهون ياجرح المفارق وضيق iiالبـال ××× علي الهون ياهـم سطابـي وقدرتـه ii!
اعزك لوانـك جـرح ومجاهـدك قتـال ××× وروضت جسمي لاجل سقمـك iiصبرتـه!
لاجل من ملك قبي من الجال لين iiالجـال ××× وفجيت له باب عـن النـاس سكرتـه !
وحطيت له عن شمس قيظ الغرام iiاظلال ××× وشيدت لـه بيـت بقلبـي وعمرتـه ii!
عشقتـه ودللتـه وجريـت لـه مـوال ××× وتخيرت قربـه ليتنـي مـا تخيرتـه ii!
رعي ريف قلبي لين صار الحشا iiمدهال ××× وعن مدهلـه جنبـت غيـره وذيرتـه ii!
سقيته من عـدود الغـلا والغـرام زلال ××× بعد ماجذب مـن دم قلبـي وصدرتـه ii!
اداري عليه من الزعل وازعـل iiالعـذال ××× وخطاه ان كبر في عين غيري iiتصاغرته!
ترافقت انا وياه من يـوم كنـا iiاطفـال ××× تكـون غـلاه بوسـط قلبـي وكبرتـه !
قبـل مايغطـي ليلـه المنتثـر iiبالشـال ××× سرقت الكرى من نون عينيه iiوسهرتـه!
نقش كل حرف من حروفي على السلسال ××× تباهى بهـا واغـاظ نـاس مجاكرتـه !
وكتبت القصايد في عيونه علي iiاليامـال ××× وليا مرنـي صـوت النواخـذ iiتذكرتـه
تكاثر علـي الله يجازيـه كيـف iiالحـال ××× وانا يوم اسوق العمر له مـا تكاثرتـه !
وبعد كـل هالتقديـر والحـب والاجـلال ××× تغيـر وهقـواتـه علـيـه iiمغيـرتـه!
لبسته ثياب الغطرسه ليـن جـا iiيختـال ××× وكبر في عيونه يوم الاوهـام غررتـه ii!
واذاالسالفه ضحك ومهازل ولعب اطفـال ××× خبطت الغصن لين ابرق الريش طيرته ii!
خلصنا وقفلنـا الصناديـق بـا iiلاقفـال ××× ومن جور حكمه كامل القلـب حررتـه

.................................................. .................

((دروس وعبر...))

الحياة افراح واحـزان ودروس iiوعبـر ××× والتجـارب صفحـة ايامنـا وكتابـهـا
مهما زاد الشخص في المال والعز وكبر ××× وأهدته شهوات نفسـه جديـد iiثيابهـا
وبرقت له زيف الايام وأغرتـه وعبـر ××× المصير أرضه يلحـف عليـه iiترابهـا
والمصايب حملهـا سـم ودواه الصبـر ××× ورحمة الله دون خلقـه ماسكـر iiبابهـا
وعن حياة الآدمي شيمتـه تبعـد iiشبـر ××× وإن فقد من شيمته شي نفسـه iiعابهـا
وانقبر في العيب لو ماتوفـى iiوانقبـر ××× والحياة اللي بهـا نقـص iiمانرضابهـا

.................................................. .................

لشاعرنا المبدع ..... تركي الميزاني

الموضوع الأصلي: سلسلة من أبداعات تركي ألفين ((شاعر الوطن)) || الكاتب: راجـع ضمـيـرك || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::

\؛¤ّ,¸¸,ّ¤؛|راجع ضميرك جعل الانذال تفديك ××× من قبل تطوي بالمحبـه حصيـرك|؛¤ّ,¸¸,ّ¤؛|

|؛¤ّ,¸¸,ّ¤؛|ماني بميت منك بـس ميـتٍ فيـك ××× هذا مصيري وانت هـذا مصيـرك|؛¤ّ,¸¸,ّ¤؛\