تبا لكل انسان يعرفني // وشكرا لكل انسان ماعرفه

السلام عليكم

في بيت اعتقد زعل علي الكثير منه
وهو

تباً لكل انسان يعرفني
وشكراً لكل انسان ماعرفه

وانا هنا احب ابين المقصود في هذه الابيات الكيبورديه


كذب .. من يقول ان الصبر للفرج مفتاح
فلا شي شفته فك ضيقي ولا بابي

انا لي تقريبا سنه .. ماني امرتاح
اخيط الجروح بطيبتي .. وافتق اثيابي

عرفت البكا من شفت .. طيب ووفا .. وافراح
وعرفت الوفا من غابو اسنين .. احبابي

وعرفت الشعر من ذقت .. جرح .. وتعب .. واتراح
الى ان .. دمعت ابيات شعري على كتابي

تمر السنين .. ومن سرق من سنيني .. راح
و لا باقي الا الربع وتلحف اترابي

دام ان للدموع عيون تبكي على المرّواح
بحس بحضوري عند من يعذر اسبابي

احس عقلي الجامد شموخ ومهابه .. ساح
و من ما لقى فيني جنوني .. لقاها بي

انا اكثر بشر يمكن عشقته .. طلع سفاح
فتك في محاني كان .. في بينها رابي

وانا اقرب قريب(ن) ساتره لا خطا .. فضاح
احبه ولكن في عيوبي موصاابي

فـ تباً لكل انسان طبعه طبع تمساح
و شكرا لكل انسان .. مايجرح اغيابي
تمت

الموضوع الأصلي: تبا لكل انسان يعرفني // وشكرا لكل انسان ماعرفه || الكاتب: جاسم الديحاني || المصدر: منتدى الجبلان الرسمي

www.aljblan.net

المصدر: ::منتدى الجبلان الرسمي::